Inter pavarësisht eliminimit në Champions League po mendon të përforcojë skuadrën në merkaton e janarit, pasi pretendon të luftojë kokë më kokë me Juventusin për titullin në Seria A. Për këtë arsye, sipas ‘fcinterneës’, sot në Milano ka patur një takim mes drejtuesve të Verona-s dhe zikaltërve. Më së shumti Inter është e interesuar për Sofian Amrabat, por në lupën e drejtuesve janë edhe dy mbrojtësit shqiptar Amir Rrahmani dhe Marash Kumbulla.
Inter i shikon shqiptarët si pasuesit e duhur të Diego Godin dhe shpreson të bëjë një tjetër goditje të ngjashme si Milan Skriniar, mbrojtësi që erdhi pa shumë bujë dhe që është bërë një nga shtyllat e ekipit. Gjithsesi gjithçka për momentin mbetet në kuadrin e spekulimeve, porn ë muajin janar një lëvizje e zikaltërve për këto dy lojtarë nuk do të ishte më habi.
Komente
