San Marino- Nuk kanë përfunduar mirë gjërat për një të ri shqiptar, i cili është arrestuar në San Marino, pasi u kap duke drejtuar një motor që dyshohet se është vjedhur në Itali.
Mjeti u identifikua menjëherë falë sistemit automatik të njohjes së targave, aktiv në pikat kufitare. Alarmi u aktivizua sapo targa e mjetit u zbulua nga sistemi, duke zbuluar se motori me fuqi të lartë ishte raportuar më parë si e vjedhur në Itali.
I riu, i cili udhëtonte me një vajzë italiane, u ndalua menjëherë nga një patrullë e Xhandarmërisë, e pranishme në vendngjarje, informon media italiane.
Pas një kontrolli të shpejtë, ai u arrestua dhe u dërgua në burg, ku aktualisht është duke pritur veprime të mëtejshme nga autoritetet gjyqësore.
Komento
Komente
