Një lajm i trishtë për botën e futbollit. Mbrojtësi i Morecambe-s, Christian Mbulu, është gjetur i pajetë ditën e djeshme në shtëpinë e tij në Preston. Mediat angleze shkruajnë se vdekja e 23-vjeçarit dyshohet të jetë natyrale, pasi nuk ka patur shenja të goditjes apo diçka tjetër.
I linduri në Londër në karrierën e tij ka provuar disa skuadra, ndërsa me Morecambe-n ishte bashkuar vetëm në muajin janar. Në të kaluarën e tij Mbulu ka qenë edhe pjesë e Millwall. Të dy klubet shkruajnë se janë shumë të trishtuar për këtë lajm fatkeqësie, pasi sipas tyre Mbulu ‘ishte një person që kishe kënaqësi ta njihje’.
Gjithashtu 23-vjeçari përshkruhet si një njeri popullor dhe shumë i dashur me shokët e skuadrës.
Komento
