Pas shembjes së urës në Genova ku humbën jetën 39 persona, tashmë Bullgaria ka vendosur të marrë masa. Kështu qeveria vendase ka vendosur të rikonstruktojë më shumë se 200 ura të ndërtuara 30 apo 40 vjet, pasi ndodhen në gjendje të amortizuar.
Lajmin e ka bërë të ditur Ministria për Zhvillim Rajonal, ndërsa kryeministri bullgar, Boyko Borisov tha se të gjitha urat duhet të rinovohen dhe të forcohen për të shmangur ndonjë tragjedi të mundshme.
Qoftë përmes kredive, të cilat më pas duhet t’i paguajmë me taksa, apo përmes buxhetit, dua që të gjitha urat të rinovohen sa më parë.
Kryeministri bullgar, Boyko Borisov
Bullgaria është shteti më i varfër në Bashkimin Evropian ndërsa prej vitesh ka marrë ndihmë financiare për të modernizuar infrastrukturën. Ajo ka 777 kilometra autostradë, pjesa më e madhe e të cilave janë në gjendje të keqe.
Komente
