Legjenda e futbollit Fadil Vokrri ndërroi jetë ditën e sotme, ndërsa do të mbetet gjatë në memorien e tifozëve të Partizanit të Beogradit, ku shkëlqeu. Ai luajti tre edicione duke shënuar 47 gola në 107 ndeshje.
“Shuhet nga një atak kardiak Fadil Vokrri. Ai është një nga legjendarët e Partizanit. Vokrri ka qenë edhe futbollist i ish Jugosllavisë ku në 12 ndeshje kishte realizuar gjashtë gola” shkruajnë mediat serbe.
Klubi i Partizanit ka cituar edhe një prononcim, të cilin Vokrri e ka dhënë ku ka vlerësuar maksimalisht klubin serb dhe tifozerinë e tij.
“Janë tre vitet më të mira të karrierës sime. Unë kurrë nuk do të jem në gjendje t’i harroj ata. I kam uruar Partizanit gjithë të mirat”, shprehej Vokrri asokohe.
Edhe tifozët e Partizanit të Beogradit kanë reaguar duke shprehur keqardhje për ndarjen nga jeta të Vokrrit. “Ai ishte një futboll i nivelit të lartë, një luftëtar pa kompromis në fushë dhe cilësitë e tij njerëzore lanë një gjurmë të thellë në partizanin. Fadil, prehu në paqe dhe lëre lavdinë tënde të vlerësohet dhe të faleminderit” thuhet në mesazhin e tyre.