TIRANË - Kompozitori i shquar shqiptar, Avni Mula është shuar në moshën 92- vjeçare. Homazhet në nderim te tij bëhen nesër në orën 11:00 me 13:00 në hollin e Universitetit të Arteve.
Avni Mula u lind në Gjakovë më 1928. Studimet e larta muzikore i kreu në Konservatorin “Çajkovski” të Moskës (1952-1957), ku u diplomua si këngëtar lirik, bariton.
Gjatë studimeve u njoh dhe u martua me sopranon ruse Nina Mula. Karrierën artistike Avni Mula e nisi menjëherë pas kthimit nga Moska si solist në Teatrin e Operës dhe Baletit, duke realizuar role kryesore të repertorit operistik të kohës, përmes së cilave u dallua për nivelin e lartë të zgjidhjeve muzikore-skenike.
Veçohen realizimet e figurës së Figaros te “Berberi i Seviljes” të Rosinit, Gjetës tek “Mrika” e Prenk Jakovës, etj.
Avni Mula zhvilloi një aktivitet të pasur koncertal brenda dhe jashtë Shqipërisë. Veprimtarinë krijuese e nisi në gjysmën e dytë të viteve 60', fillimisht në fushën e këngës e të romancës dhe më pas si autor i veprave të mëdha vokale-koncertale, kantata, poema vokale dhe skenike, ku veçohen opereta “Karnavalet e Korçës” dhe opera “Borana”.
Firmën e tij mbajnë edhe shumë këngë të muzikës së lehtë, mes të cilave “Valsi i lumturisë”. Është babai i dy vajzave artiste, Adelinës pianiste dhe sopranos Inva Mula.
Avni Mula është vleresuar me titujt "Artist i Popullit" dhe "Nderi i Kombit".
VIDEO/ Një nga këngët më të dëgjuara të Baritonit Avni Mula
Arti shqiptar i është bashkuar dhimbjes së familjes së Avni Mulës i cili ka ndërruar jetë mbrëmjen e kësaj të enjte. "Lamtumirë nderi i kombit" - shkruan drejtoresha e re e Teatrit Kombëtar të Operas dhe Baletit, Zamira Çela në profilin e saj në Facebook.
Ajo e vlerëson Mulën si baritonin legjendar të historisë së skenës shqiptare. Ndërkohë edhe ish ministrja e Kulturës, Mirela Kumbaro ka shprehur një mesazh ngushëllimi për kompozitorin. Kumbaro shkruan se "Valsi i lumturisë" sonte fluturon në qiell me engjëjt duke marrë me vete shpirtin.
Ndërkohë ka reaguar dhe këngëtari Elton Deda i cili shkruan se Mula la prapa një pasuri të madhe artistike.
Për ndarjen nga jeta të kompozitorit Avni Mula kanë reaguar kryeministri Rama si dhe kryebashkiaku Erion Veliaj.
Veliaj përmes një postimi në Facebook shkruan se Shqipëria ka humbur një nga pasuritë më të mëdha njerëzore dhe artistike për të cilin do të jemi gjithmonë mirënjohës.
"Fort i trishtueshëm lajmi i ndarjes nga jeta i Avni Mulës, një nga pasuritë më të mëdha njerëzore dhe artistike të kombit tonë. Arti shqiptar do t’i jetë ngahera mirënjohës për veprën e çmuar që la pas! Ngushëllime Invës për humbjen e babait, emrin e të cilit Tirana e nderoi me sallën e koncerteve "Avni Mula" në rrugën e Dibrës për t'u kujtuar nga gjithë brezat" - shkruan Veliaj.
Ndërkohë ka reaguar dhe kryedemokrati Lulzim Basha ku përmes një postimi në Twitter i shpreh ngushëllimet familjarëve të kompozitorit.
"Arti dhe artdashësit shqiptarë humbën sot Avni Mulën artistin e madh dhe kompozitorin që ndriçoi me artin e tij kohët e errëta e na la pas një krijmtari të vyer. Mendimet e mia sot janë për Invën dhe familjen Mula, miqtë dhe kolegët e artistit të madh Avni Mula. U prehtë në paqe" - shkruan Basha.
Komente
NJE ARTIST I MADH.,,KETA NJEREZ NUK VDESIN KURRE SE KANE LENE VEPREN E TYRE..NGUSHELLIME INVES DHE PIRRO CAKOS QE I VDIQ VJEHRRI....
PërgjigjuSa trishtim, jemi rritur me këtë njeri të madh. Ahhh jeta. Ngushëllime të gjith kombit Shqiptar.
PërgjigjuNgushllime familjes,Avni Mula dhe Hysni Milloshi nuk vdesin kurre SE Lan prapa thesarin e madh te bashkepunimit te tyre thesarin e krijimtarine SE tyre te pavdekshem.
PërgjigjuNgushellime familjes. Po habitem qe nuk vdiq nga covidi. Ca ka bo vaki???
PërgjigjuPo na ikin kolloset. Ngushullime familjes
PërgjigjuU prehsh në paqe dhe u përkujtofsh përjetësisht, i madhi Avni Mula!
PërgjigjuARTIST I MADH,Shqiperia po humb V.I.P. e vertete.Te pa perseritshem.
PërgjigjuNgushllime familjes
PërgjigjuU prehsh ne paqe maestro , ngushellime familjes
PërgjigjuNgushllime familjës!
Përgjigju