FIER- Prefekti i Fierit, Baki Bala është i bindur se zjarri në fshatin e Gjorgosit është nga dora e njeriut, mirëpo nuk e specifikon nëse ky është një rast i qëllimshëm, apo jo. Në një lidhje telefonike për Report Tv, Bala tha se nga përvoja shumica e rasteve është për pakujdesi, por thekson se këtë ua lë autoriteteve të hetojnë. Ndër të tjera, Bala tha se dëmi është i madh dhe se është i vështirë që të rikuperohet sipërfaqja e djegur.
“Është dora e njeriut patjetër, por e qëllimshme apo jo, këtë nuk ,und ta themi, por nga përvoja shumica e rasteve është për pakujdesi, është policia e shtetit që ta ndajë nëse është e qëllimshme apo jo. E vështirë që të rigjenerohet në total faqja e djegur”, tha Bala
Zjarri në fshatin e Gjorgos në Fier është shuar pas më shumë se 24 orësh dhe shuarja e flakëve ka qenë e vështirë për shkak të terrenit malor, ku zjarrfikësit kanë ndërhyrë me mjete rrethanore.
