Mes tymnajës që shkaktoi mungesa e transparencës institucionale për një sasi të konsiderueshme mishi pule me salmonelë, Prokuroria e Tiranës ka nisur hetimin për 2 vepra penale, shpërdorim detyre për 3 inspektorë të AKU që lejuan daljen në treg të filetove të kontaminuara, dhe për importim të ushqimeve të rrezikshme për shëndetin, akuzë për të cilën policia shpalli në kërkim, Arben Goxhën, pronarin e kompanisë “AMG Food” që solli nga Brazili në total, 27 tonë mish pule të papërpunuar, të ndarë në 4 lote.
Më 11 mars AKU bëri kontroll rastësor në 1 prej 4 loteve që AMG solli nga Brazili, 1 kontejner me 8 ton mish. Përgjigjen nga laboratori i ISUV për praninë e salmonelës në mostrën e marrë, AKU e mori me 21 mars, ndërsa publikun e njoftuan 1 javë me vonesë. Ende sot e kësaj dite, AKU nuk ka thënë publikisht emrin e kompanisë importuese, që Report Tv zbuloi se është AMG Food, dhe as nuk ka bërë të ditur se cilat janë 154 bizneset që blenë sasinë e mishit me salmonelë.
Report Tv mëson se AKU nuk ka dhënë urdhër të shkruar që biznesi të mos nxjerrë nga porti i Durrësit mishin pa pritur më parë përgjigjet e analizave, por thjesht e ka informuar se mori mostër.
AKU është shprehur se pjesa më e madhe, gati 5 tonë është bllokuar ndërsa vijojnë kontrollet për të tërhequr çdo sasi nga tregu Fast Food-e, restorante e makete në 10 qarqe të vendit ku është shitur produkti, me përjashtim të Beratit dhe Lezhës.
Pas përgjigjes së parë që faktoi se mishi ishte me salmonelë, Report Tv mëson se AKU ka marrë mostra edhe nga 3 lotët e tjera të ngarkesës me fileto pule nga Brazili dhe dërguar për analizë në laboratorin e ISUV.
AKU do të shkrihet
Në mes të kësaj situate që po hetohet nga organet ligjzbatuese, sipas një ligji të miratuar në Kuvendi në shtator të 2024-ës, AKU pritet të shkrihet.
Ligji i ri i inspektimeve përcakton se të gjitha inspektoratet e vendit do të shkrihen në vetëm 8 inspektorate qendrore, të cilat do të kenë të bëjnë vetëm me disa fusha specifike që Ministria e Sipërmarrjes do t’i caktojë në sajë të riskut. Një nga këto 8 inspektorate qendrore do të ketë edhe një strukturë që do të trajtojë çështjet e ushqimit, që aktualisht e bën AKU, dhe që brenda vitit do të zëvendësohet me “strukturën përgjegjëse për inspektimin dhe kontrollin zyrtar të veterinarisë dhe mbrojtjes së bimëve”.
Ky ligj është publikuar në Fletoren Zyrtare më 13 nëntor dhe hyn në fuqi në 13 maj. Më tej institucionet kanë 6 muaj të plotësojnë aktet nënligjore, për të ngritur 8 inspektoratet e tjera.
Komente
Pulat duheshin testuar qe ne portin brazilian.Pse AMG nuk i testoi qe atje e keshtu te evitonte importin e mishit te infektuar? Perse AKU beri kontroll rastesor,kur cdo produkt mishi qe vjen nga jashte e sidomos nga vende me probleme te perseritura per ceshtje te tilla si Brazili,duhet kontrolluar e testuar komplet e perhere?Perse AKU nuk dha urdher me shkrim qe pulat te mos dilnin ne treg e perse nuk vulosi frigoriferet e portit qe asgje te mos dilte ne treg?Perse AKU e mban sekret emrin e AMG implikuar ne skandal e perse priti nje jave pas daljes se analizave qe te jepte alarmin? Perse nuk jep akoma listen e 154 bizneseve qe kane blere pulat? A i zgjidh problemet e perseritura te produkteve,ushqimit ne Shqiperi shkrirja e AKU? Perse shkrirja e AKU dhe zevendesimi i saj me 8 inpektoriate te tjera le me shume mjegullnaje,paqartesi e pikepyetje per ceshtjet qe mbulojne e te ardhmen e sigurise ushqimore e produktive te vendit?
PërgjigjuSa mire do e beni qe do e shkrini se thjesht kane qene disa gjobaxhinj asnje gje tjeter nuk ka ditur te bejne . Por nqse doni te nderoni disa gjobaxhinj me disa te tjere mos e beni ! Mendoni per dicka qe ja vlen! Siguria ushqimore eshte shume e rendesishme !
PërgjigjuPo kopjojnë programin e PD