Nëse shihni diku një foto që ju duket perfekte dhe mendoni se ka qenë thjeshtë një aparat në kohën e duhur dhe në vendin e duhur, e keni gabim. Ka disa mënyra të thjeshta se si mund të bësh një foto unike dhe kjo arrihet më së shumti jo duke i respektuar rregullat e fotografisë, por duke i thyer ato.
Bërja e një fotografie me burimin e dritës pas jush: Që subjekti të ndriçohet nga përpara, është një rregull i përmendur shpesh. Por drita e pasme krijon efektin e kundërt dhe shërben për të ndarë sfondin nga subjekti në një mënyrë që mund të duket mjaft dramatike. Nëse dëshironi të përmirësoni siluetën, duhet të rregulloni ekspozimin e sfondit. Kur fotografoni kundër dritës, duhet të prisni momentin kur dielli të mbulohet nga diçka në kornizë, në mënyrë që imazhi të mos mbingarkohet nga drita.
Mbajtja e vijës së horizontit drejt: Ky është një rregull i rëndësishëm kur fotografoni peizazhe. Megjithatë, një anim i qëllimshëm dhe dramatik i kamerës mund t'i shtojë një kthesë dinamike fotografisë suaj, duke e kthyer një kompozim anonim në diçka të papritur.
Krijoni një turbullirë: ajo që mund të duket si rezultat i paqëllimshëm i një kamere të lëkundur mund të jetë gjithçka duhet për një fotografi.
Bëni foton në mesditë: herët në mëngjes dhe pasdite vonë janë shpesh koha më e mirë për të bërë një foto, me diell të ulët, drita ka tone më të buta dhe krijon hije të gjata. Por ndonjëherë drita e fortë e mesditës mund t'i japë subjektit humorin e duhur dhe hijet kompakte dhe të dallueshme funksionojnë në avantazhin tuaj.
Përfitoni nga hapësira negative: hapësira bosh nuk do të thotë hapësirë e humbur. Mendoni hapësirën e zbrazët si një objekt dhe kushtojini të njëjtin konsideratë vendosjes së saj si elementët e tjerë në kornizë. Në këtë rast, hapësira negative dhe inkuadrimi punojnë së bashku për të përforcuar humorin e qetë dhe ëndërrimtar.
