Në prag të takimit me Shqipërinë për kualifikueset e Europianit, një nga lojtarët më me shumë eksperiencë te Islanda, Gylfi Sigurdsson, e konsideron sfidën si decisive për fatet e grupit, duke patur parasysh faktin që skuadrat janë me pikë të barabarta, 3.
Enigma te Shqipëria sipas Sigurdsson qëndron te trajneri Edy Reja:
“E njohim si Shqipërinë po ashtu edhe Turqinë. Natyrisht përfaqësuesja shqiptare ka patur ndryshime të shumta me trajnerin vitet e fundit dhe janë afruar lojtarë të rinj. Pra nuk do ta kemi të lehtë në fillimin e takimit, por është mirë që jemi përballur përpara me ta.”
6 vite më parë Islanda fitoi me rezultatin 2-1 sfidën kundër Shqipërisë për eliminatoret e Botërorit, por në Ligën e Kombeve kjo skuadër ka regjistruar vetëm humbje.
Komente
