Foto ilustruese

Sociale

Hyn në fuqi sistemi i ri ‘bonus-malus’, historiku me aksidentet vendos çmimin e sigurimit që do të paguhet për mjetet

1 Janar, 11:14| Përditesimi: 1 Janar, 12:39

  • Share

Nga kjo e mërkurë, 1 janar 2025, hyn në fuqi sistemi i ri i sigurimit të makinave i njohur si bonus malus, që do të zbatohet nga shoqëritë e sigurimit qw parashikon aplikimin e primit të diferencuar bazuar në risqet që mbart çdo i siguruar.

Përmes këtij sistemi të ‘penalizuar’ janë drejtuesit problematikë të mjeteve, të cilët kanë historik negativ me aksidentet, që do të paguajnë më shumë për sigurimin e makinës. Kurse shoferët e rregullt, do të përfitojnë sigurim më të lirë.

Të gjithë drejtuesit e mjeteve që kanë mbi 2 aksidente në 3 vitet e fundit do të paguajnë siguracion më të lartë për makinën. Sigurim më të lartë do paguajnë edhe ata pronarë mjetesh, me makinën e të cilëve është shkaktuar aksident edhe pa qenë ata drejtues. 

Autoriteti i Mbikëqyrjes Financiare e miratoi vjet rregulloren e re për llogaritjen e primit të sigurimit, ku çmimet që drejtuesit e mjeteve do të paguajnë për sigurimin e detyrueshëm do të diferencohen bazuar në disa faktorë risku. 

Në përllogaritjen e primit të sigurimit përveç historikut të aksidenteve do të merret në konsideratë edhe Fuqia motorike, mosha e shoferit, eksperienca e tij në drejtimin e makinës, përdorimi i mjetit, qarku i regjistrimit të mjetit si dhe vjetërsia e makinës. Moshat e reja, eksperienca e ulët apo makina e vjetër konsiderohen të gjithë rreziqe që shtrenjtojnë siguracionin. Po ashtu faktor risku është edhe qarku ku është regjistruar automjeti duke i konsideruar me risk të ulët qarqe si Berati, Dibra apo Kukësi.

Vlerësimi i këtyre rreziqeve vulos edhe sigurimin e ri që do të paguajnë drejtuesit e mjeteve. Nëpërmjet këtij sistemi bonus-malus ku primi do të vendoset në bazë risku synohet që të rritet përgjegjshmëria e drejtuesve të mjeteve.

Xh.K/S.G/ReportTv.al
Komento

Komente

  • Paulo: 01/01/2025 19:48

    Palaçio shtet ngelet.pse aksidentet ata me makinat e vjetra po i shkaktojne

    Përgjigju
  • Tirana: 01/01/2025 15:28

    Po Qemal Disha a do mare pjese ne kete takim ne Tirane ??? Duhet te vije dhe te justifikoje pasurine e tij si aksioner ne SIGMA, se ku e kane burimin financiar fondi per krijimin e kompanise Sigma. Sa i kishte te ardhurat si ish drejtori i INSIG ? Ku u moren parate? Apo vazhdon te justifikohet ne emer te kunatit? Eshte subjekt i hetimit te SPAK sipas ligjit, sepse deri ne Vitin 1997 ka kryer funksione publike, si drejtor dhe jane dosjet per abuzime te pambyllura. Ku shkuan parate e investuara ne ndertime Banesash, etj abuzime nga Disha, qe tani gezon prona e fshihet jashte Shqiperise.

    Përgjigju
    • Naimi: 01/01/2025 18:58

      I kanë ngrenë socialistët lol kanë qeverisur plot 20 vjet në demokraci këta hajdutë 1997-2005 dhe 2013-2025. Për më tepër pjesë e INSIG kanë qënë Ilir Beqaj dhe Shalsi

    • Naimi: 01/01/2025 18:57

      I Hëngrën Socialistët lol 1997-2005 dhe 2013-2025. Kanë qeverisur plot 20 vjet në demokraci hajdutetët. Mos harro se pjese e INSIG ka qene Ilir Beqaj

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?