Negociatat mes Adrian Newey dhe Ferrarit janë tashmë në një fazë të avancuar, shkruajnë disa medie në Gjermani, mes tyre edhe Bild. Newey (shefi teknik) rinovoi me Red Bull në maj 2023 dhe deri vonë pretendohej se 'tensioni dhe lufta për pushtet' e kampionëve të botës nuk ndikoi në punën e tij, e cila aktualisht është e përqendruar kryesisht në përmirësimin e makinës RB17.
Megjithatë, një analizë nga Ferrari se çfarë mund të ofronte ekipi Newey u zbulua kohët e fundit në Itali dhe lista e projekteve joshëse doli të ishte jashtëzakonisht e gjatë dhe interesante, nga ndikimi në prodhimin serial të "Kalit të Zi" deri te dizenjimi i jahteve.
Gjithashtu, në Maranello u raportua dëshira e Newey për të punuar me pilotin më të suksesshëm në historinë e Formula 1, Lewis Hamilton, i cili do të garojë për "Kokëkuqen" nga sezoni i ardhshëm.
Katalizatori për vendimin e Neweyt për të kërkuar një alternativë tjetër veç Red Bull mendohet të jetë 'intensifikimi i luftës për pushtet brenda ekipit', pjesa dërrmuese e së cilës po zhvillohet në prapaskenë.
Shumë analistë parashikojnë se jemi afër rezultatit dhe së shpejti do të jemi dëshmitarë të largimit të figurave të rëndësishme në skuadër dhe ka shumë mundësi që kjo të prekë edhe Max Verstappen, në të cilin Mercedes dhe Toto Wolff kanë një interes serioz.
Në kontratën e re të Newey, Red Bull shpjegoi në mënyrë speciale se ata nuk e kanë praktikën të komentojnë kontratat e punonjësve të tyre, por kanë bërë një përjashtim për inxhinierin më të suksesshëm në Formula 1, i cili ka 25 tituj botërorë dhe konfirmuan se ai ka rinovuar.
Natyrisht, nëse Newey largohet, koha e pushimit për të filluar punën e re do të jetë e gjatë, me shumë mundësi një vit kalendarik. Frederic Vasseur ka peshuar situatën dhe Newey pritet të dizenjojë nga ana teknike makinën e Ferrarit për vitin 2026, kur rregullat e reja teknike të hyjnë në fuqi.
???? Ferrari : @BILD rapporte que les discussions entre Adrian Newey et Ferrari semblent être bien avancées. pic.twitter.com/YfHBqBoFlU
— Scuderia Ferrari FRA (@FerrariF1FRA) March 20, 2024
