Sindikata e policisë kundërshton ligjin për trajtimin financiar të policëve mbi 55 vjeç. Nëpërmjet një letre dërguar Kuvendit dhe kreut të saj Gramoz Ruçi sindikata deklaron se nuk është marrë mendimi i tyre për hartimin e projektligjit ndërsa kërkojnë disa ndryshime lidhur me disa nga pikat e parashtruara që pritet të miratohen në Kuvend.
Sindikata e Punonjëseve të Policisë ka kundërshtuar ligjin për trajtimin financiar të policëve mbi 55 vjeç me anë të një letre dërguar kryeparlamentarit Gramoz Ruçi.
Në letrën e dërguar kryetarit të kuvendit sindikata e policisë shpreh se projektligji i propozuar ka disa shkelje Kushtetuese dhe ligjore teksa deklarojnë se nuk është marrë mendimi i tyre për hartimin e projektligjit ndërsa kërkojnë disa ndryshime.
Nga ana tjetër sindikata kundërshton përcaktimin që punonjësi i policisë që me këtë ligj del në pension të ketë detyrimin të kryejë 700 orë punë dhe pikën tjetër që i jep të drejtën një titullari pra drejtuesit të institucionit që të ketë vendimmarrje për të nxjerrë në pension një vartës mbi 55 vjeç.
Vetëm pak ditë më parë në një prononcim për ReportTV kreu i sindikatës, Sadetin Fishta e paralajmëroi se do të vinte në dijeni kreun e kuvendit, Gramoz Ruçi lidhur me kundërshtimet që ato kishin në hartimin e projektligjit teksa shtoi se nëse as parlamenti nuk merr parasysh pretendimet e tyre ato do ti drejtohen Gjykatës Kushtetuese.
Ndërkohë në fund sindikata i kërkon kryeparlamentarit të kalojë projektligjin e miratuar më 2015 ku parashikohet pensioni i shërbimit për punonjësit e policisë mbi 55 vjeç dhe me 25 vite eksperiencë pasi sipas tyre ai i hap rrugën hyrjes së të të rinjve në polici dhe ka më shumë efektshmëri se ai që është propozuar.
Projektligji për trajtimin financiar i miratuar nga komisioni i ligjeve me propozim të ministrit të brendshëm Sandër Lleshaj pritet të aplikohet për punonjësit e policisë, atyre të gardës dhe SHÇBA dhe prek 613 efektivë.
Efektivët e policisë çdo ditë përballen me problemet e qytetarëve dhe janë të angazhuar në çdo moment për t'i zgjidhur ato.
Letra e Sindikatës
Komente
PERKRAH 100% POLICET.
PërgjigjuMos u merzit o safedin se ke 20 vjet qe han qyl,dhe mos bej sikur te dhimbsen policet pasi vete ske lene vend te botes pa shkuar me leket e sindikates.
PërgjigjuZOTERINJ TE NDERUAR POLICE VETEM NJE ZGJIDHJE KA STOP VOTE PER PARTINE E ED RAMES
Përgjigju