Pas deklaratës së djeshme të Kremlinit se ka përfunduar evakuimi i luftëtarëve kurd të YPG nga zona tampon prej 30 km e dakorduar mes Erdogan dhe Putin, Ministria turke e Mbrojtjes ka bërë të ditur se ka kapur 18 ushtarë të ushtrisë së Bashar Al Asad-it në rajonin e Ras al-Ayn.
Ministria turke e mbrojtjes tha gjithashtu se rasti në fjalë po shqyrtohet në koordinim me autoritetet e Kremlinit.
Më 22 tetor, presidenti turk, Recep Tayyip Erdoğan dhe homologu i tij rus, Vladimir Putin, zhvilluan një takim në qytetin rus Soçi.
Ankaraja dhe Moska arritën një marrëveshje sipas së cilës terroristët e YPG/PKK-së brenda 150 orëve të tërhiqen 30 kilometra në jug nga kufiri i Turqisë me Sirinë veriore, ndërsa forcat e sigurisë turke dhe ruse të kryejnë patrullime të përbashkëta atje.
Komente
