Të paktën tetë fëmijë u vranë dhe dhjetëra të tjerë u plagosën mbrëmjen e djeshme në një kamp refugjatësh në Idlib, në veri të Sirisë.
Kampi ku strehohen rreth 800 familje të shpërngulura u godit dje nga një sulm me predha ardhur nga drejtim i paditur me autorë ende të pa identifikuar.
Vetë këtë muaj numri i fëmijëve të vrarë në kampet e të shpërngulurve nga lufta në zonën Idlib ka shkuar në 22.
“Kemi dëgjuar disa shpërthime shumë të forta. Unë qëndrova në errësirë me fëmijët e mi, të mbuluar nga pluhuri, ndërsa u përpoqa t’i mbroja me trupin tim”, tha Hanan, 27 vjeç, mësues i shkollës, i cili jeton në kamp me tre fëmijët e tij , duke përshkruar tmerrin e sulmit dhe trishtimin e vdekjes së një prej studentëve të tij. “Unë pashë gjërat që digjeshin rreth meje dhe kuptova se perdet që vareshin në tavan ishin zhdukur – tha ai – unë dola me fëmijët për të kërkuar një strehë dhe pashë që po përpiqeshin të nxirrnin fqinjët tanë nga rrënojat mes copave të trupave njerëzorë të shpërndarë përreth “.
Komente
