Premier League e futbollit në Angli nisi fundjavën që lamë pas me sezonin e ri. Në Londër, Tottenham fitoi 3-0 kundër Burnleyt. Për miqtë në shtëpi qëndroi Armando Broja. Sulmuesi i Kombëtares u bashkua vetëm një javë më parë me Burnleyn dhe nuk është ende gati për të marrë minuta në Premier League, kjo sa i takon gjendjes fizike.
Ka qenë trajneri Scott Parker që ka folur pas ndeshjes dhe i pyetur për Brojën, ka treguar se sulmuesi ka ende nevojë që të vijë në formën e tij sportive. Duke mos dashur ta rrezikonte për shkak të lëndimeve, Parker e la në shtëpi 23-vjeçarin shqiptar.
"Ai thjesht ka nevojë për pak më shumë punë. Broja nuk ka pasur mjaftueshëm kohë për t’u aktivizuar në Premier League, kështu që duhet të ecim me kujdes dhe ta përgatisim. Nuk dua të nxitohem me të dhe ai do të ishte i prekshëm ndaj çdo gjëje këtu. Për më tepër, ai tani po vjen në ekip, ndoshta duhet të jesh fizikisht në formën tënde optimale për lojë. Do të bëjmë pak punë me të. Ai mbeti jashtë për këtë ndeshje dhe ka bërë disa detyra shtesë gjatë kësaj kohe, kështu që shpresojmë të shohim se ku do të jemi fundjavën tjetër me të", tha Parker për Brojën.
Broja nuk ishte i vetmi që mungoi të shtunën, me lojtarë si Axel Tuanzebe, Bashir Humphreys, Jordan Beyer dhe Connor Roberts që të gjithë munguan, si dhe Zeki Amdouni, i cili mungonte prej kohësh. Hannes Delcroix, Manuel Benson dhe Ashley Barnes gjithashtu munguan, së bashku me Luca Koleosho dhe Mike Tresor; me dy të fundit që shkaktuan shumë debate midis mbështetësve. Kur u pyet për mungesat e tyre, Parker shtoi: “Kryesisht përzgjedhje. Do të shohim se si do të shkojë kjo gjatë javës së ardhshme.”
Komente
Ngaqe ka qene lojtar I Tottenham dhe Chelsea nuk u lejohet te luajne kunder ish skuadrave ne mos gaboj I Kane ne kontrata keto klauzola ! Gjithsesi sot eshte luks te lésh ne stol 23 mil£ lojtar , por ndeshjet e para deri ne shtator Jane si prova !
Përgjigju