Deputeti Erjon Braçe deklaron se do i kërkojë komisionit të Ekonomisë t’i kërkojë AMF-së pezullimin e zbatimit të rregullores për sistemin bonus malus, sepse po favorizon kompanitë e sigurimit.
AMF, në mënyrë të njëanshme, ka futur disa indikatorë të domosdoshëm sipas tyre për sistemin bonus-malus në logjikën e historikut të tyre – ndër vite. Por, për sjelljen e shoferëve-qytetarëve në rrugë, ky është viti zero. Nuk ka histori!
Po si kështu? Ç'do të thotë kjo?
Unë nuk jam bërë shofer më 1 janar 2025! Kam 25 vite si i tillë dhe kam sjelljen time në rrugë.
Kush janë këta që më thonë: “Ti je shofer nga 1 janari e në vijim”? Të dhënat e mia, ashtu si të kujtdo tjetër, janë aty. Pse nuk duan t’i marrin parasysh?Kjo është një tjetër favor për kompanitë e sigurimit! Është tërësisht një favor banal dhe i njëanshëm, që vijon prej vitesh vetëm në krahun e dhënies së parave kompanive dhe në dëm të qytetarëve, të cilët po paguajnë çmime më të larta si rezultat i indikatorëve të tjerë që ndikojnë mbi policën e sigurimit. Dhe jo mbi bazën e një sistemi të drejtë dhe të ndershëm që merr parasysh sjelljen e tyre në rrugë! thotë ai në një videomesazh në rrjete sociale.
Braçe thotë se do t’i kërkoj menjëherë Komisionit të Ekonomisë së Kuvendit t’i kërkojë AMF-së pezullimin e zbatimit të kësaj rregulloreje derisa të jetë e qartë:
"Kush po përfiton, qytetari që sillet mirë në rrugë apo kompanitë e sigurimit edhe një herë më shumë"
Komenton dhe planin kombëtar për qarkullimin e mjeteve sipas targave.
Qetësohuni se nuk ka asnjë vendim. Ka një draft strategji për kontrollin e emetimeve në ajër – ndotjen, përfshirë edhe atë që vjen nga makinat me naftë, i cili përmban konceptin e kufizimit të lëvizjes së makinave në ditë të caktuara sipas targave. por ky draft nuk është miratuar, nuk është vendim, është ende në diskutim. kaq!”
Autoriteti i Mbikëqyrjes Financiare e miratoi vjet rregulloren e re për llogaritjen e primit të sigurimit, ku çmimet që drejtuesit e mjeteve do të paguajnë për sigurimin e detyrueshëm do të diferencohen bazuar në disa faktorë risku.
Në përllogaritjen e primit të sigurimit përveç historikut të aksidenteve do të merret në konsideratë edhe Fuqia motorike, mosha e shoferit, eksperienca e tij në drejtimin e makinës, përdorimi i mjetit, qarku i regjistrimit të mjetit si dhe vjetërsia e makinës. Moshat e reja, eksperienca e ulët apo makina e vjetër konsiderohen të gjithë rreziqe që shtrenjtojnë siguracionin. Po ashtu faktor risku është edhe qarku ku është regjistruar automjeti duke i konsideruar me risk të ulët qarqe si Berati, Dibra apo Kukësi.
Vlerësimi i këtyre rreziqeve vulos edhe sigurimin e ri që do të paguajnë drejtuesit e mjeteve. Nëpërmjet këtij sistemi bonus-malus ku primi do të vendoset në bazë risku synohet që të rritet përgjegjshmëria e drejtuesve të mjeteve.
Komente
Ketu tek ne, inshurencat ngrihen cdo vit,por po te besh aksident t'a ngrene ekstra per nje vit,pastaj t'a kthejne prape tek normalja,por gjoba/denimi shtohet ne varesi te perseritjes e llojit te demit,fillon me gjoba te lehta e perfundon me gjobe te rende + burg po godite/vrave njeri.Merret parasysh vjetersia e makines por dhe zona ku e nget,ka qytete/shtete qe inshurenca eshte me e larte se tek te tjeret.Mosha nuk llogaritet,por rekomandohet qe kur je shofer i ri te mos e ngasesh vetem makinen,pra te kesh ne krah nje shofer me te vjeter, me eksperience per nje periudhe kohe.Por ne e kemi pak ndryshe kete pergjegjesine per aksidente te pronarit te makines kur nuk e nget vete.Pra z.Brace,nuk e kuptoj gjithe kete reagim,ju nuk do te keni asgje me shume se c'kemi ne ketu persa i perket inshurencave te makinave!
PërgjigjuKy popull imjere eshte imesuar te.vidhet gjithmone mga nje qenefri qe kane krye nje kryeqenef pranndaj mos harrojme ti votojme dhe kete here
E drejte Erjon. Vjet pagova 170 euro siguracion. Kujtova se me rregulloren e re , sivjet do paguaja me pak. 32 vjet me patentr. Pa bere asnje aksidet, asnje gervishje. U paraqita per siguracionin e sivjetem dhe çudia. Kete vit eshte çuar 20% me thane. Do paguash 190 euro. Po na rrjepin kompanite e sigurimeve. Eshte i kote ligji i ri. As te .... as te leshon. Tallje me ne. E kthejne ligjin sipas oreksit, kompanite e sigurimeve. Jo po ke moshe te madhe, jo po je nga filan qark, jo po ke makine mbi 20 vjet....Le ta kem makinen si nuse une. Pra po e hame prap si popull dele qe jemi....
PërgjigjuShume drejt Erjon, me vjen keq qe ky vend nuk ka nje politikan tjeter te ngreji zerin ndaj te tilla padrejtesive ne kurriz te qytetareve. Bonus malus eshte kriter boteror i vendosjes se primit te sikuracionit, por si u fshika nje jete ne timon dhe miliarda te inkasuara nga shoferet e kujdesshem?! Tjeter çfare hyn mosha e makines dhe mosha e shoferit. Asnje gje nuk duhet lene ne doren e banditeve te sikuracioneve. Ka nje tregues shume domethenes qe i permbledh te tera, aksidentet per faj te shoferit. Per shoferet e rinj caktohet nje vlere pak me e larte qe vjen duke u ulur rregullisht, çdo 6 mujor ne se nuk bejne aksidente per fajin e tyre.
Përgjigju