Situata nga COVID në vendin tonë është drejt përmirësimit! Kështu tha i ftuar në emisionin 'Studio Live' në Report Tv, kreu i Urgjencës Kombëtare, Skënder Brataj, i cili duke u bazuar në shifrat e Urgjencës Kombëtare tha se ka një rënie të numrit të vizitave, ndërsa u shpreh se jemi në fazën e rënies së infeksionit. Por megjithatë kujdesi dhe vëmendja ndaj virusit duhet të jetë i njëjtë, shtoi ai.
'Ka një rënie të numrit të vizitave. 24 orët e fundit janë 20-25 thirrje. Ka një rënie edhe numri i konsultave mjekësore. Në këtë moment është në rënie për fatin e mirë, por kujdesi duhet të jetë i njëjtë. Siç ishte parashikuar Omicron tregoi se arriti kulmin dhe pastaj filloi rënia. Tani jemi në fazën e rënies, por sidoqoftë është prezent akoma ky infeksion. Ka shumë njerëz që nuk e kanë kaluar, ose nuk janë të mbrojtur nga mosinfektimi. Edhe kjo pandemi bëri rrugën fiziologjike. Omicron po lëshon fushë. Format e rënda janë me mijëra herë më mirë. Në 2022 kemi të shtruar 102 veta, por vitin e kaluar ishin 547 pacientë të shtruar.'- u shpreh Brataj.
Për gazetarët, Migena Sotiri dhe Arbër Hitaj, mjeku tha se sëmundja ka një kohëzgjatje shumë të shkurtër tashmë, deri në 5 dit. Brataj tha se pranvera do të jetë e qetë, ndërsa vera pritet të jetë pa probleme.
'Për fatin e mirë sëmundja ka një kohëzgjatje shumë të shkurtër. deri në 5 ditë pothuajse kalon, pra forma të lehta. Edhe me 2-3 ditë forma e lehtë kalon. Në këtë moment edhe kërkuesit shkencorë e dinë që brenda vitit ne do të kalojmë në endemi. Do të kemi një pranverë të qetë dhe një verë shumë të mirë dhe pa probleme.'- tha Brataj.
Sot në 24 orët e fundit, Ministria e Shëndetësisë njoftoi se janë shënuar 361 raste të reja me koronavirus nga 2,478 testime të kryera. Fatkeqësisht 7 qytetarë nuk e kanë fituar betejën me koronavirusin gjatë këtyre 24 orëve.
Komente
Kur hedh syte nga Kanadaja, Italia, Austria, Australia, falenderoj Zotin per Dr. Brataj. Logjike, qetesi, kthjelltesi. Ju lumte doktor! (tani sikur te hidhnit syte edhe nga ai kufizimi absurd i ores 23:00 ?)
Përgjigju