Vijojnë të intensifikohen sulmet izraelite në Qytetin e Gazës dhe zona të tjera të enklavës palestineze. Deri më tani, 37 persona janë vrarë, përfshirë 20 vetëm në Qytetin e Gazës dhe katër persona që prisnin të furnizoheshin me ndihma.
Sipas Ministrisë së Shëndetësisë të Hamasit, dhjetë banorë të Gazës, përfshirë tre fëmijë, kanë vdekur nga kequshqyerja në 24 orët e fundit.
Ministrat e jashtëm të BE-së, u pritën në Kopenhagen me një protestë. Demonstruesit mbanin pankarta ku shkruhej: “Ndal gjenocidit” dhe "Sanksiononi Izraelin".
Izraeli së shpejti do të ngadalësojë ose ndalojë hyrjen e ndihmave humanitare në disa zona të veriut të Gazës, ndërsa zgjeron ofensivën e tij mbi kryeqendrën e Rripit. Lajmin e raporton Times of Israel, duke cituar Associated Press.
Një burim ka shpjeguar se qeveria izraelite do të bllokojë si hedhjet nga ajri, ashtu edhe hyrjen e kamionëve. Qëllimi është të shtrëngohet gjithnjë e më shumë rrethi rreth Hamasit, ndërsa përpiqet të evakuojë qytetin e Gazës dhe të detyrojë qindra mijëra persona të zhvendosen drejt jugut.
Komente
