Gjykata e Fierit ka rrëzuar kërkesën për liri të anëtarit të bandës së Shkodrës, Safet Bajri. Gjykata e ka rrëzuar kërkesën e Bajrit me argumentin se nuk plotëson kriteret ligjore.
Drejtoria e Burgjeve ka dërguar në gjykatë raportin negativ për Bajrin, ndërsa kundër lirimit të tij nga burgu ka qenë edhe prokurori. Seanca është zhvilluar më 9 qershor.
Report Tv mëson se pak javë më parë në dyert e gjykatës së Tiranës Safet Bajri, pjesë e grupit kriminal Bajri, ka kërkuar lirimin me kusht duke garantuat drejtësinë se nuk do të përfshihet më në krime.
Ai u arrestua në vitin 2018 në kuadër të operacionit “Oazi”, ndërsa kjo është herë e dytë e një kërkese për liri me kusht pasi më herët i është refuzuar.
Bajrit i kanë mbetur për të shlyer edhe 6 muaj dënim, pasi nga 6 vite, 3 i shleu në Bruksel dhe 2 vite e dy muaj i ka shlyer deri më tani në qelitë e 302-shit.
