Nesër pra të shtunën e 10 tetorit nuk do të ketë protestë të futbollistëve dhe aktorëve të futbollit para kryeministrisë ashtu sic ishte paralajmëruar ditë më parë.
Të kontaktuar nga Report Tv drejtuesit e Ligës profesioniste të futbollit, Presidenti Edvin Libohova bën me dije se nesër nuk do të ketë protestë dhe se ajo është shtyrë për të shtunën e ardhshme më 17 tetor.
Ndërsa sekretari i përgjithshëm i Ligës Dritan Kadia na ka zbuluar se protesta neser nuk do të zhvillohet pasi nuk është miratuar leja për shkak të situatës me Covid. Ditë më parë Liga profesioniste e futbollit paralajmëroi një protestë të madhe të gjithë komunitetit të futbollit përpara kryeministrisë në mënyrë që të tërhiqnin vëmendjen për plotësimin e 4 kërkesave me karakter ekonomik ku primar është ligji i sponsorizimeve.
Klubet e Kategorisë Superiore që janë pjesë e Ligës kanë bojkotuar kampionatin e futbollit deri në plotësimin e kërkesave të tyre. Në Shqipëri nuk po luhet futboll zyrtar prej muajsh për shkak të bojkotit me kampionatin që ishte parashikuar të niste më 12 shtator.
Palët pra qeveria dhe Liga kanë zhvilluar takime zyrtare dhe informale por ende nuk është gjetur një zgjidhje që kampionati të nisë. Liga ka protestuar edhe në mënyrë simblolike duke u paraqitur skudrat në fushë por jo duke luajtur. Ndërsa protesta e parashikuar për nesër para kryeministrisë në bulevard nuk do të zhvillohet, sipas Ligës ajo është shtyrë me një javë por të hënën do mësohen edhe hapat e radhës.
Komente
nuk eshte e nevojshme per te kerkuar leje per proteste. poshte komunizmi
PërgjigjuProteste politike e Dukes me bekimin e nje pjese opozitare
Përgjigju