Seksioni i Rithemelimit në Partia Demokratike ka sulmuar sot në një deklaratë për shtyp shoqatat e gazetarëve që reaguan dje për rrezikun që iu kanos nga molotovët disa operatorëve dhe qytetarëve para Bashkisë së Tiranës.
Zëdhënësja e Rithemelimit, Silvi Bardhi ka akuzuar shoqatat që mbrojnë gazetarët si të lidhura me inceneratorët, ndërsa ka përmendur me emër dhe mbiemër një nga gazetarët.
Ndërkohë, kundër dhunës dhe molotovëve që për pak u morën jetën kameramanëve kanë reaguar edhe Asosacioni i Gazetarëve të Shqipërisë, i themeluar nga një grup gazetarësh të terrenit, dhe Unioni i Gazetarëve Shqiptarë, që drejtohet nga gazetari Aleksandër Çipa.
Ky është një sulm i paprecendentë që një parti politike, e cila në vend që të kërkojë falje dhe të dënojë aktin e hedhjes së molotovit mbi kokën e gazetarëve dhe qytetarëve gjatë protestës së thirrur prej saj, sulmon ashpër shoqatat për mbrojtjen e gazetarëve pse reaguan ndaj një akti që vuri seriozisht në rrezik jetën e qytetarëve.
M.Q.//ReportTv.al