Eurodeputetja greke Eva Kaili mbetet në paraburgim për përfshirjen e saj në skandalin e Katargate. Eva Kaili do të vazhdojë që të qëndroje edhe 2muaj në paraburgim sipas vendimit të Gjykatës së Apelit të Brukselit, për veprat e dyshuara për organizim kriminal, korrupsion dhe pastrim parash.
Eva Kaili doli para Gjykatës së Apelit më 28 shkurt duke kërkuar lirimin e saj nga burgu me byzylyk elektronik. Në të njëjtën ditë, eurodeputeti belg Marc Tarabella doli para Gjykatës së Apelit, duke kërkuar lirimin e tij nga burgu. Gjykata e Apelit e Brukselit vendosi zgjatjen e masës së paraburgimit për Marc Tarabella me një muaj.
Ka qenë gazeta belge ‘Le Soir’ ajo që raportoi fillimisht skandalin e Katarit ku ishin bërë përpjekje për të korruptuar deputetin socialist italian i cili ishte anëtar i PE që nga vitit 2004-2009. Dy të arrestuarit e tjerë janë Luca Visentini, Sekretar i Përgjithshëm i sapozgjedhur i Konfederatës Ndërkombëtare të Sindikatave, ish-deputeti Pier-Antonio Panzeri. Për skandalin reagoi edhe presidentja e Komisionit Evropian, Ursula von der Leyen e cila tha se akuzat ishin "shumë serioze" dhe bëri thirrje për krijimin e një organi të ri të etikës për të mbikëqyrur bllokun.
Komente
Nga mbiemri kjo bukuroshe duket qe eshte greko arvanite Gjynan te rrij ne burg kjo bukuri
Përgjigju