Ish-zëvendëspresidenti amerikan, Mike Pence tha se nuk kishte qenë në dijeni se dokumentet e klasifikuara ishin në shtëpinë e tij në Indiana dhe mori “përgjegjësinë e plotë” për shkeljen e sigurisë.
Pence, duke folur në Universitetin Ndërkombëtar të Floridës në Miami, deklaroi se u krye një rishikim i të dhënave të tij personale, pasi u gjetën dokumente të klasifikuara në shtëpinë e Presidentit Joe Biden në Delaware, raporton Reuters.
“Gjatë rrugës ne përcaktuam se kishte një numër të vogël dokumentesh të shënuara të klasifikuara, të ndërthurura në letrat e mia personale,” theksoi ai.
“Më lejoni të jem i qartë: ato dokumente të klasifikuara nuk duhet të ishin në rezidencën time personale. Janë bërë gabime dhe unë marr përgjegjësinë e plotë”, shtoi Pence.
Rreth 300 dokumente të klasifikuara janë gjetur në banesën e Mike Pence, në Indiana. Shtëpia e Bardhë, ka refuzuar ta komentojë ngjarjen.
Ky lajm vjen fill pas skandaleve të një pasnjëshmë në SHBA. Vetëm pak kohë më parë dokumente top secret u gjetën në një rezidencë në Florida të ish presidentit Trump gjatë kohës që kishte përfunduar postin e ekzekutivit. E njëjta gjë ndodhi edhe me Presidentin Biden, kur ky i fundit ishte zv. president gjatë kohës së Barack Obamës. Gjatë kontrolleve janë gjetur 3 herë dokumente të këtij format në zyrë e banesat e tij.
