TIRANE - E paprecedentë. Sali Berisha nën hetim për korrupsion lidhur me aferën e privatizimit të ish kompleksit 'Partizani', pas të cilit u ndërtuan 19 kulla dhe dhëndri i tij, Jamarbër Malltezi, fitoi mbi 5.4 milionë euro, kërcënoi dhe intimidoi sot publikisht, në mënyrë të paprecedentë prokurorët e dosjes.
Në konferencën e sotme për median, për gati 2 orë, Berisha thuajse në çdo fjali teksa mbronte veprimet e veta 'korruptive' - që po hetohen nga SPAK - dhe dhëndrit të tij Jamarbër Malltezi,u drejtohej prokurorëve duke përdorur një fjalor të paprecedentë, këtë herë edhe më të përforcuar se herët e tjera. Në adresimin e tij publik, që u përcoll live kishte qëllim jo vetëm të njolloste prokurorët, por dhe t'i intimidonte.
‘Skapistë të pafytyrë’ ...‘Polici sekrete’ ... ‘Larot e Ramës’ 'Sharlatanë' ...ishin disa nga termat e përdorur nga Sali Berisha gjatë gjithë deklaratës për median e cila zgjati për gati 2 orë.
Më pas ish kryeministri kaloi dhe tek kërcënimet direkte. Edhe sot, si më 20 tetor, - kur u arrestua Malltezi - kërcënoi prokuroren Enkeleda Millonai, e cila së bashku me Arben Krajën i firmosën masën e sigurisë të ndalimit të lëvizjes jashtë vendit dhe detyrim paraqitje, gjithashtu i arrestuan dhëndrin për privatizimin e kompleksit “Partizani”.
Jamarbër Malltezi paditi në SPAK për kallëzim të rremë Taulant Ballën. Dhe unë e garantoj Millonain se do ta paguajë ligjërisht aktin e saj të ulët, anti-Kushtetues, shkeljen flagrante që kjo i bën konventës së të drejtave të njeriut, për pagesën që i bën Taulant Balla, duke mbajtur të konfiskuar prej tre vitesh dosjen e vendimit të gjykatës së Lartë, vetëm për të mbrojtur Ballën si parzmore që ajo të mos shkojë në gjykatën Kushtetuese.
I them se ti je turpi i drejtësisë, i një zyrtareje dhe ti shkel për interesa, ndjeja, apo emocionet tua, nuk e di, cdo norme dhe etikë të funksionimit të një shtetit. Ti nuk mund ti mohosh një qytetari një proces gjyqësor të drejtë” tha ai.
Konferenca u mbajt ndërsa dhëndri i tij ndodhej në GJKKO për vlerësimin e masës së sigurisë.
Në një proces të rregullt ligjor ai mund të kundërshtojë akuzat e SPAK në një seancë gjyqësore për vlerësimin e masës së sigurisë, apo me një memo drejtuar prokurorisë e gjykatës apo të apelojë pretendime te SPAK.
Ndaj Berishës është firmosur masa e sigurisë 'detyrim me paraqitje' dhe 'ndalohet udhëtimi jashtë' por ish-kryeministri nuk pranoi t’i takonte oficerët e policisë gjyqësore mbrëmjen e së shtunës, 21 tetor, kur ata mbërritën në selinë e Rithemelimit dhe nuk ka pranuar të firmosë se është njoftuar për masën e sigurimit ndaj tij.
Per cfare e akuzon SPAK?
SPAK po heton për veprimet e konkrete dhe aktive të tij si kryeministër i cili përmes miratimit të ligjeve, ankteve nënligjore të cilat kanë sjellë përfitime dhëndrin e tij Jamarbër Malltezit.
Sipas SPAK Sali Berisha ka konsumuar vepra penale e “Korrupsionit pasiv të funksionarëve të lartë shtetërore ose të zgjedhurve vendorë”, kryer në bashkëpunim me shtetasin Jamarbër Malltezin parashikuar nga neni 260 e 25 i Kodit Penal.
Nga ana e shtetasit Sali Berisha, në cilësinë e tij si Kryeministër i Republikës së Shqipërisë, jane kryer veprime konkrete dhe aktive, në miratim ligjesh apo aktesh nënligjore, me qëllim përshtatjen e tyre sipas nevojave që paraqiteshin për pesë familjet e njohura pronare, ku fitues i drejtëpërdrejtë ndër të tjerë, rezultonte të ishte bashkëshorti i vajzës së tij, shtetasi Jamarbër Malltezi
Nga ana e shtetasit Sali Berisha në cilësinë e tij si Kryeministër i Republikës së Shqipërisë, janë kryer veprime aktive për kryerjen e kontrolleve administrative, me qëllimin e ushtrimit të presionit dhe dhënien e urdhërave konkrete, për konkludimin e procedurave të privatizimit, në favor ndër të tjerë, edhe të shtetasit Jamarbër Malltezi., bashkëshorti i vajzës së tij.
Nga ana e shtetasit Sali Berisha në cilësinë e tij si Kryeministër i Republikës së Shqipërisë, janë kryer veprime aktive në vendosjen në dispozicion të shtetasit Jamarbër Malltezi bashkëshorti i vajzës së tij, të strukturave të ndryshme të administrates shtetërore për realizimin e procesit të privatizimit të pronës shtetërore.
lajmi ne perditesim....
Komente
Ja ku edhe nje here vertetohen theniet polullore "hak marre dhe borxh pa lare nuk do mbetet kurre ne kete bote!" Ka ardhur koha qe te japim llogari te gjithe.
PërgjigjuDo te doja qe Berisha te vendosej nen /gag order/nga gjykata, sic e kane vene gjykatesit amerikane Trump, qe te mos guxoje te beje nje /ciu/,jo me te shaje e kercenoje hetuesit e gjykatesit e SPAK-ut!
PërgjigjuLidhim nje bast te vogel o vishi: neser salehun e viçidolit qe ne kater te mengjesit e te shkallet e gjykates SPAK-ut...edhe me batanije ne dore...nuk e run kush më per salehStalinistin....
PërgjigjuGjithe qellimin e ka qe ta arrestojne dhe ate, e te bej viktimen para demokrateve, sepse nuk i mblidhen njerez te djege kryeministrine per pronat e vajzes.
PërgjigjuBravo prokuroreve dhe gjykatesve, bjeruni ketyre monstrave, kusur mos ju lini. Kujt do krahu jane, populli eshte me ju dhe do mbeteni heronjte e kombit qe zhduket kucedren qe i piu gjakun 32 vjet.
PërgjigjuSala mori perpara 300 miljon amerikan ata te spakut i ze me dacka berisha