Ndryshimi mes një investitori strategjik i veçantë që në Shqipëri e ka një numër shumë i vogël oligarkësh dhe statusit të investitorit të asistuar, që deputetja Xhaçka tha në Kuvend që bashkëshorti i Artan Gaci ka marrë parashikohet në përfitimet që ata mund të marrin nga shteti, sipas neneve 21 dhe 22 të ligjit për investimet strategjike.
Biznesmeni Artan Gaçi ka përfituar statusin e investitorit strategjik të asistuar, një status i ngjashëm me 1500 raste të tjera dhe nuk ka të bëjë fare me mundësinë e shpronësimit të tokave. Sipas nenit 21 si investitor i asistuar ai përfiton shpejtësi në veprimet e administratës, veprime përgatitore, në dokumente, programe mbështetëse, mbështetje me infrastrukturë ndihmëse apo edhe vënie në dispozicion të pasurive të paluajtshme shtetërore për zhvillimin dhe realizimin e projekteve investuese strategjike, sipas legjislacionit në fuqi.
Ndërsa ai nuk është përfitues i shërbimeve të mëdha që ofrohen për investitorin strategjik të veçantë që parashikon shpronësimin e pasurive të paluajtshme, pronë private, për të mundësuar zhvillimin dhe realizimin e projekteve investuese strategjiken si dhe miratimin nga ana e Kuvendit, kur vlerësohet nga Këshilli i Ministrave, të kontratave përkatëse të investimit strategjik, me kërkesë të investitorit strategjik për të rritur sigurinë e marrëdhënies juridike të rregulluar përmes tij dhe shtetit shqiptar.
Pra 2 statuse të ndryshme juridike, që japin dy lloje përfitimesh të ndryshme që lidhen me mbështetjen e shtetit, i pari i dhënë mbi 1500 rasteve ndërsa i dyti një grupi të vogël të privilegjuarish.
Po kush janë ndryshimet?
Sipas ligjit nr 55/2015 për investimet strategjike në republikën e Shqipërisë
Shërbimet ndaj Investitorit të asistuar (neni 21)
- Kryerje të veprimeve përgatitore, përgatitje të dokumenteve dhe aplikim administrativ me procedurë të përshpejtuar nga agjenti asistues.
- Trajtim me prioritet të përgatitjes së dokumentacionit, dhënies së mendimeve apo ndjekjen e procedurave, për përgatitjen dhe realizimin e investimit strategjik.
- Konsolidim të tokës.
- Programe mbështetëse.
- Mbështetje me infrastrukturë ndihmëse.
-Vënie në dispozicion të pasurive të paluajtshme shtetërore për zhvillimin dhe realizimin e projekteve investuese strategjike, sipas legjislacionit në fuqi.
Shërbimet ndaj Investitorit strategjik (neni 22)
-Shpronësimin e pasurive të paluajtshme, pronë private, për të mundësuar zhvillimin dhe realizimin e projekteve investuese strategjike.
-Miratimin nga ana e Kuvendit, kur bëhet vlerësimi nga Këshilli i Ministrave, për kontratat përkatëse të investimit strategjik, me kërkesë të investitorit strategjik për të rritur sigurinë e marrëdhënies juridike të rregulluar përmes tij dhe shtetit shqiptar.
