Deputeti socialist Erion Braçe ka ngritur një tjetër alarm për firmat piramidale online që po qarkullojnë gjatë javëve të fundit, e që sipas deputetit, pre kanë rënë banorë të Divjakës e të Lushnjes.
Faqja tjetër online, XUEX, që konsiderohet një mashtrim për të investuar para, është tërhequr nga platforma Binance duke mos ju lënë mundësi qytetarëve që të tërheqin paratë e tyre.
Deputeti Braçe ngre alarmin se kjo firmë piramidale online, XUEX, po krijon një tjetër mashtrim për qytetarët, duke transferuar në Kosovë tërheqjen e parave.
Erion Braçe thotë se kjo është mashtrim dhe kërkon nga qytetarët që të bëjnë kujdes dhe të mos ndërmarrin asnjë që ju njofton XUEXa.
“Prej dje (e enjte) në darkë, XUEX ka ndërprerë procesin e daljes nga platforma, tërheqjes së parave që kishit atje, cash out, pra transferimin e parave nga muri juaj në platformë në Binance. Pyetja që kam për gjithë banorët e Lushnjes dhe Divjakës: A keni më dyshime që është piramidë? Pse nuk po i merrni dot më paratë tuaja? Pse XUEX ju ka bllokuar? Në krahun tjetër, dy faqet e XUEX, ju që rrini dhe prisni gjithë ditën sinjalin nga Leo Smithi që ju paguan edhe dietat e drekës, kulmi, nuk janë reale. Tani mos hani gënjeshtrën tjetër me bukë, që do t’ju zhvendosin në një platformë tjetër ku do të merrni 10, 20, 30% më shumë. E kanë bërë këtë me platformën që ishte që e zëvendësoi Xuexa, mos e hani më këtë. Ndërkohë kam një thirrje për Policinë e Shtetit për dy strukturat e saj, të Krimit Kibernetik e Ekonomik, për Prokuroritë e Fierit, Tiranës, SPAK gjithashtu, nxitoni se njerëzit po i grabisin”, thotë Erion Braçe në postimin e tij në Facebook.
Deputeti socialist ka shtruar një pyetje edhe për Kryeministrin në detyrë të Kosovës, Albin Kurti, nëse ka dijeni për këtë aktivitet ilegal që po transferohet drejt Kosovës.
“Pra të gjithë ata nga Divjaka e Lushnja që kanë tentuar të dalin dje e sot nga XUEXa e kanë të pamundur të dalin dhe të tërheqin paratë; të kalojnë nga muri i tyre në platformë paratë në Binance e të vijojnë për të tërhequr cashin në Kosovë! (Albin di gjë ti për këtë)”?
Deputeti Braçe i ka bërë thirrje edhe SPAK-ut që të veprojë dhe të nisë hetimet për këtë mashtrim financiar që po u ndodh qytetarëve.
Ndërkohë, Krimi Kibernetik në Policinë e Shtetit ka nisur hetimet për firmën piramidale online TXEX.
Reagimi i plotë:
Beteja me piramidat online! Xuexa ju nëninterpreton viktimat, duke ju bllokuar daljen nga platforma dhe tërheqjen e parave, kjo ndodhi që nga dje!
Të gjithë ata nga Divjakë e Lushnjë, që kanë tentuar të dalin dje dhe sot nga Xuexa, kanë hasur vështirësi për të dalë dhe për të tërhequr paratë.
Ata duhet të kalojnë nga muri i tyre në platformë, për të transferuar paratë në Binance dhe më pas për të vazhduar për të tërhequr cash në Kosovë! (Albin, di ndonjë gjë për këtë?)
Shenja e dytë më e qartë e piramidës është kjo! A e mbani mend rrapushin manual? Tregojani fëmijëve që të bindën më në fund!
Për banorët e Divjakës e Lushnjës, të cilët janë zhytur në këtë piramidë online, kam tani këtë lutje:
Dje në mbrëmje, pasi u ndaluan të dilnin nga Xuexa, ata u njoftuan në Telegram për një grup të ri dhe një platformë të re, ku do të transferoheshin paratë e tyre!
Mooooos e hani edhe këtë gënjeshtër! Boooooll, ju kanë gënjyer e grabitur! Boooooll! Një thirrje kam për Policinë e Shtetit, Krimin Kibernetik, Krimin Ekonomik dhe Financiar, Prokurorinë e Fierit, Tiranës, dhe SPAK-un gjithashtu:
Nxitoni, nxitoni, njerëzit e Xuexa janë ende në Divjakë dhe Tiranë; veproni, sepse mijëra njerëz po grabiten!
Komente
