Policia turke ka shpërndarë me gaz lotsjellës dhe ujë me presion, demostratat në juglindje të Turqisë, organizuar nga Partia Demokratike Pro-Kurde e Popullit (HDP), për të kundërshtuar dëbimin e tre kryetarëve kurdë pesë muaj pas zgjedhjes së tyre.
Qeveria zëvendësoi tre kryetarët e bashkive që u zgjodhën nga Partia Demokratike Pro-Kurde e Popullit duke emëruar në vend të tyre zyrtarë të tjerë, pasi sipas Ministrit të brendshëm të Turqisë, tre kryetarët e bashkive të Dijarbakir, Mardin dhe Van akuzohen për krime të ndryshme, përfshirë përfshirjen në një organizatë terroriste dhe përhapjen e propagandës terroriste.
Më shumë se 400 persona u arrestuan gjithashtu si pjesë e hetimeve kundër terrorizmit.
Përmes një deklarate, këshilli ekzekutiv i Partisë Demokratike Pro-Kurde e Popullit tha se “Ky është një grusht shteti i ri dhe i qartë politik. Është një qëndrim i qartë dhe armiqësor kundër vullnetit politik të popullit kurd"
Komente
