Ministrja Olta Xhaçka bashkë me fëmijët e ushtarakëve, u kanë sjellë pak buzëqeshje fëmijëve të prekur nga tërmeti, një pjesë e të cilëve janë strehuar në një nga hotelet e zonës së Golemit.
Ata kanë sjellë dhurata dhe materiale shkollore për fëmijët që qenë pjesë e tragjedisë së tërmetit.
Artistët e vegjël kishin përgatitur një program festiv për bashkëmoshatarët e tyre, ndërsa djemtë e futbollit u dhuruan topa fëmijëve.
Disa prej fëmijëve të ushtarakëve qw performuan, ndjekin kurset e artit dhe të sportit pranë Ministrisë së Mbrojtjes.
Ministrja ka falenderuar edhe nxënësit e shkollës “Edith Durham”, të cilët u bashkuan sërish për të shpërndarë pako me dhurata dhe materiale shkollore.
Sipas Xhaçkës, procesi për rindërtimin e shtëpive të dëmtuara ka nisur e së shprejti fëmijët dhe familjet e tyre do të kenë një strehë të re.
Futbollisti shqiptar i “Johor Darul Ta’zim” në Malajzinë e largët, Liridon Krasniqi, ka ndihmuar familje të prekura nga tërmeti.
27- vjeçari është larguar nga Azia dhe ka mbërritur në Shqipëri, aty ku ka marrë përsipër të ndihmojë plot 30 familje të cilat janë prekur nga tërmeti.
Krasniqi, nën shoqërinë e aktorit të njohur shqiptar, Besart Kallaku, kanë vizituar familjet në Bubq të Durrësit dhe futbollisti nga Kosova, ka dhënë ndihma financiare për të gjithë.
Tërmeti i 26 nëntorit shkaktoi 51 viktima dhe 900 të dëmtuar e shumë të tjerë kanë ngelur pa banesat e tyre.
TIRANE- Festat e fundvitit për sfafin e Ministrisë së Arsimit, Sportit dhe Rinisë është festuar ndryshe mbrëmjen e djeshme.
Ata kanë zgjedhur të mobilizohen vullnetarisht në organizimin e festës së fundvitit për t'u kthyer buzëqeshjen fëmijëve të prekur nga tërmeti të akomoduar në hotel "Kolaveri"
Mbrëmjen e djeshme, të gjithë punonjësit e ministrisë kanë përgatitur dhurata të veçanta për 130 fëmijë të prekur nga tërmeti dhe të akomoduar pranë këtij hoteli.
Nga ana tjetër edhe buxheti i MASRE për festat ka shkuar për rindërtimin e banesave të dëmtuara nga tërmeti.
Komente
