Të paktën 26 njerëz janë vrarë në një sulm vetëvrasës me bombë dhe armë në një hotel në pjesën jugore të Somalisë.
Lajmin e ka bërë të ditur një zyrtar i sigurisë, ndërsa përgjegjësinë për sulmin e ka marrë grupi “Al-Shabaab”.
Autoritetet njoftuan se një sulmues vetëvrasës shpërtheu një veturë të mbushur me mjete plasëse në hotelin e famshëm “Medina”, në qytetin jugor të Kismayo-s para se disa sulmues të armatosur të hynin në hotel dhe të qëllonin me armë zjarri.
“Forcat e sigurisë e kanë marrë situatën nën kontroll. Sulmuesi i fundit është qëlluar dhe është vrarë”, tha zyrtari i sigurisë, Mohamed Abdiweli.
“Ka trupa të pajetë dhe persona të plagosur brenda hotelit dhe nuk mund t’i japim hollësitë e sakta, por deri tash i kemi konfirmuar 26 trupa të vdekur dhe disa njerëz njerëz të plagosur”, tha zyrtari i sigurisë, Mohamed Abdiweli
Dëshmitarët thanë se në mesin e personave të vrarë janë edhe dy gazetarë.
Luftëtarët e grupit “Al-Shabaab” janë duke luftuar për më shumë se një dekadë që ta rrëzojnë qeverinë e tanishme të Somalisë. Besohet se ky grup përbëhet nga 5000 deri 9000 mijë anëtarë, shkruan “The Guardian”
Komente
