Qytetarët kanë votuar në Shqiptarja.com lidhur me ndryshimet e ministrave në qeverinë Rama dhe zëvendësimin e kryetares së parlamentit Lindita Nikolla me Elisa Spiropalin. Shqiptarja.com kreu dy sondazhe lidhur me këto ndryshime.
Në të parën qytetarët u pyetën nëse janë dakord me ndryshimet në kabinetin e qeverisë Rama. Diferenca mes pro dhe kundër ishte e pakët, megjithatë anon nga përgjigja negative me 47.7%, ndërsa 41.5% ishin pro ndryshimeve. 10..85 nuk shprehin mendim. Në total në këtë sondazh janë 8959 vota.
Në sondazhin e dytë qytetarët iu përgjigjën pyetjes se si Elisa Spiropali do e drejtojë kuvendin në dallim me Lindita Nikollën. Opinioni ishte 44.8% që mendonin se do e drejtojë më keq se Nikolla, ndërsa 39.7% thonë më mirë. 15.5% janë të mendimit se drejtimi i Spiropalit do jetë njësoj me atë të Nikollës. Në total ishin 7677 vota.
