Shqiptarët vijojnë të palëkundër në qëndrimin e tyre për mbështetjen e SPAK. Të dhënat e sondazhit të realizuar nga insituti “Piepoli” në bashkëpunim me Report Tv tregojnë se shqiptarët janë pro SPAK dhe e mbështesin punën e tij.
Në total, 63% e të anketuarve thonë se SPAK është një institucion i pavarur dhe i paanshëm. Sipas rezultateve, të pyetur se “a punon SPAK në mënyrë të pavarur”, 16% thonë "shumë", 47% "mjaft". Ndërkohë, 26% thonë "pak" dhe 8% “aspak”.
Insituti “Piepoli” i pyeti shqiptarët edhe mbi debatin nëse Prokuroria e Posaçme po abuzon me vendosjen pa kriter të masës arrest me burg. 16 përqind mendojnë se masat e dhëna janë në mënyrë të tepruar, 48 përqind mendojnë se janë të përshtatshme ndërsa 35 % thonë se nuk mjaftojnë.
Por, pavarësisht se janë krah SPAK, 40% e qytetarëve që kanë marrë pjesë në sondazhin e “Piepolit” në bashkëpunim me Report TV, mendojnë se duhet të ketë një kontroll mbi Prokurorinë ndërsa 34 përqind të tjerë mendojnë të kundërtën.
Sa i takon Task-Forcës për të luftuar krimet zgjedhore, 60% e të anketuarve shprehen se ky nuk do të ndikojë aspak në zgjedhje. 24% e shqiptarëve besojnë se kjo nismë e SPAK do të garantojë korrektësinë dhe transparencën në mbajtjen e zgjedhjeve, ndërsa 10% e të anketuarve mendojnë se Task-Forca mund të ndikojë negativisht në klimën zgjedhore.
Shumica dërrmuese e shqiptarëve nuk besojnë se vendimi i SPAK për të krijuar një Task-Force kundër krimeve zgjedhore do të ketë ndikim real në procesin zgjedhor të 11 majit. Sipas sondazhit të realizuar nga Report Tv në bashkëpunim me Institutin prestigjioz italian “Piepoli”, 60% e të anketuarve shprehen se ky vendim nuk do të ndikojë aspak në zgjedhje.
Ndërkohë, vetëm 24% e shqiptarëve besojnë se kjo nismë e SPAK do të garantojë korrektësinë dhe transparencën në mbajtjen e zgjedhjeve, një shifër që tregon se besimi në efektivitetin e institucioneve të drejtësisë për të ndikuar në integritetin e procesit zgjedhor mbetet i kufizuar.
Nga ana tjetër, 10% e të anketuarve mendojnë se Task-Forca mund të ndikojë negativisht në klimën zgjedhore. Ndërsa 6% nuk kanë një mendim të qartë, duke deklaruar se “nuk dinë të gjykojnë”.
A duhet të vihet SPAK nën kontroll të pavarur juridik mbi veprimtarinë e tij? 40% e qytetarëve që kanë marrë pjesë në sondazhin e Piepolit në bashkëpunim me Report TV mendojnë se duhet të ketë një kontroll mbi Prokurorinë. Të pyetur nëse SPAK duhet vënë në kontroll, 15% e të anketuarve thonë "shumë", 25% thonë "mjaft". Ndërsa 34 përqind të tjerë mendojnë të kundërtën, konkretisht të ndarë në 17% që thonë "pak" dhe 34% "aspak".
Një pjesë e konsiderueshme e qytetarëve mendojnë se SPAK po abuzon me masat e paraburgimit. Në sondazhin e Institutit Prestigjioz "Piepoli", në bashkëpunim me Report TV, 16 përqind mendojnë se masat e dhëna janë në mënyrë të tepruar, 48 përqind mendojnë se janë të përshtatshme ndërsa 35 % thonë se nuk mjaftojnë.
Komente
Duan te vihet ne kontroll SPAKU? 40% e shqiptareve ose kane ikur nga mendorja ose jane te korruptuar...
Përgjigju