Kriza politike në vend dhe vendimi i opozitës për të mos marrë pjesë në zgjedhjet vendore, kanë bërë që ndërkombëtarët të intensifikojnë takimet për gjetjen e një zgjidhje.
Krerët e LZHK, PAA, PBDNJ, PDK, PR, aleatë të PD dhe Lsi do të zhvillojnë një takim me Ambasadorin e Bashkimit Europian në Shqipëri Luigi Soreca, ditën e nesërme në orën 16. Takimi ka në fokus situatën politike në vend dhe do të zhvillohet 2 orë përpara se opozita të nisë protestën e saj duke bllokuar disa nga akset kryesore kombëtare.
Ditën e djeshme partitë e vogla aleate të PD dhe LSI janë takuar me ambasadorin e OSBE Bernd Borchardt, ku në focus ka qenë vendimi i marrë nga opozita për bojkotimin e zgjedhjeve vendore të qershorit 2019. Ditën e djeshme Soreca ka zhvilluar një takim kokë më kokë me kreun demokrat Lulzim Basha, në selinë blu, ku temë diskutimi ka qenë situata politike në vend dhe gjetja e një zgjidhje.
Komente
