Në 24 orët e fundit në vendin tonë janë shënuar 21 viktima dhe 819 raste të reja nga COVID -19. Viktima më e re në moshë ka qenë 35 vjeç. Gjithashtu i infektuar me COVID ka rezultuar edhe një mjek endokrinolog Geront Husi, i cili është dërguar për kurim në Turqi. Nga 3372 testime të kryera ditën e sotme kanë rezultuar pozitivë 819 qytetarë, ku Tirana është qyteti me rastet më të larta aktive në 24 orë.
Rastet pozitive të konfirmuara janë identifikuar në këto bashki: 300 raste në Tiranë, 50 në Durrës, 38 në Shkodër, 36 në Berat, 32 në Elbasan, 30 në Lushnje, nga 29 raste në Lezhë, Gjirokastër, 25 në Pogradec, nga 22 raste në Fier, Kavajë, 21 në Kurbin, 19 në Korçë, 18 në Krujë, 17 në Vlorë, 10 në Mallakastër, nga 9 raste në Kamëz, Mat, Peqin, nga 7 raste në Rrogozhinë, Librazhd, Sarandë, nga 6 raste në Kolonjë, Vorë, nga 5 raste në Pukë, Prrenjas, Kuçovë, Cerrik, nga 4 raste në Kukës, Tepelenë, Malësi e Madhe, Gramsh, nga 3 raste në Devoll, Memaliaj, Maliq, nga 2 raste në Delvinë, Vau i Dejës, Divjakë, Selenicë, nga 1 rast në Has, Mirditë, Tropojë, Dibër, Skrapar, Poliçan, Këlcyrë, Libohovë.
Me gjithë përpjekjet e stafit mjekësor, 21 qytetarë e kanë humbur betejën me COVID19: 7 qytetarë nga Tirana, 3 qytetarë nga Durrësi, 3 qytetar nga Lushnja, 2 qytetarë nga Elbasani, 1 qytetar nga Vlora, 1 qytetar nga Fieri, 1 qytetar nga Kurbini, 1 qytetar nga Librazhdi, 1 qytetar nga Saranda, 1 qytetar nga Kavaja, të moshave 35-84 vjeç.
Aktualisht në spitalet COVID në Tiranë dhe tre spitalet rajonale po trajtohen 647 pacientë, 31 në terapi intensive, nga të cilët 8 pacientë janë të intubuar.
Gjatë ditës së sotme janë kryer 306 vaksinime antiCovid dhe që nga fillimi i vaksinimit janë kryer 19,663 vaksinime.
Në 24 orët e fundit janë shëruar 838 qytetarë, duke e çuar numrin e të shëruarve në 75,190 që nga fillimi i epidemisë.
Statistika (7 Mars 2021)
Raste të reja ditore 819
Të shëruar në 24 orë 838
Të shtruar në spitale 647
Humbje jete në 24 orë 21
Testime ditore 3372
Testime totale 489,136
Raste pozitive 112,897
Raste të shëruara 75,190
Raste Aktive 35,768
Humbje jete 1,939
Shpërndarja gjeografike e rasteve aktive sipas qarqeve:
Tiranë 23425
Fier 2566
Vlorë 1721
Durrës 1682
Shkodër 1352
Gjirokastër 1209
Korçë 942
Elbasan 778
Lezhë 793
Berat 608
Dibër 364
Kukës 328
COVID-19 ka infektuar një tjetër person në radhët e mjekëve, ku i prekur rezulton mjeku endokrinolog Geront Husi. Doktor Husi është prekur nga COVID dhe është dërguar për kurim në Turqi. Mjeku ndodhet në terapi intensive, por në parametra jetësor normale.
Për rastin e tij ka reaguar edhe meku Pëllumb Pipero, i cili tregon se mjeku ndodhet në gjendje jo të mirë shëndetësore, por uron që ai t’ia dalë dhe t’i bashkohet sërish kolegëve dhe familjes.
“Dr. Geront Husi endokrinologu ynë i talentuar po përballet me Covd 19 në Spitalin Medical Park ne Stamboll! Para vetem 2 minutash fola me mjekun qe e ndjek dhe me konfirmoi se Dr Geri, kolegu jone i shtrenjte, eshte ne gjendje jo te mire shendetesore, por me prametra jetesore normale, ne terapi intensive, por po lufton fort per t’ja dale dhe urojme e deshirojme T’ja Dale! Te gjithe ne urojme qe Geri ta fitoje kete beteje dhe te kthehet midis nesh!”, shkruan Pipero.
