Si sot 34 vite më parë, më 2 prill 1991, një ngjarje shumë e rëndë tronditi jo vetëm qytetin e Shkodrës por të gjithë vendin. Kjo ditë njihet si masakra e fundit e komunizmit në Shqipëri pasi pas një proteste kundër regjimit u ekzekutuan 4 persona të pafajshëm.
Edhe pse kishte disa muaj që ishte rrëzuar busti i Enver Hoxhës në Tiranë, shteti autoritar vazhdonte të ishte në këmbë.
Plumbat e forcave të policisë morën jetën e Bujar Bishanakut, Arben Brocit, Nazmi Kryeziut dhe Besnik Cekës, tashmë të shpallur martirë të demokracisë, ndërkohë që me dhjetëra të tjerë u plagosën.
Maskra ndodhi pasi ishin zhvilluar zgjdhjet e para demokratike në vend, dhe në 1 prill Komisioni Qëndror i Zgjedhjeve kishte shpallur zyrtarisht fituese PD, e cila në Shkodër kishte marrë 70% të votave. 33 vjet më pas kjo ngjarje mbetet e pazbardhur.
Edhe pse kanë kaluar plot 34 vite akoma nuk është zbuluar asnjë autor i vrasjes së katër personave.
Kryetari i bashkisë së Shkodrës, Benet Beci përmes një postimi në rrjetet sociale ka kujtuar katër viktimat duke shkruar: "Respekt përjetë dëshmorëve të demokracisë, Arben Broci, Bujar Bishanaku, Nazmi Kryeziu, Besnik Ceka!
Ndërkohë edhe kreu i Koalicionit Euroatlantik, Lulzim Basha thotë se kjo ditë një kujtesë e përhershme për forcën e qëndresës dhe guximit që çuan në fitimin e lirisë dhe demokracisë.
"2 Prilli nuk është vetëm një plagë e padrejtësisë, por edhe një kujtesë e përhershme se liria dhe demokracia nuk falen, ato fitohen me qëndresë dhe guxim. Sot, kjo përpjekje vazhdon. Dhe në çdo hap që hedhim për ndryshim, në çdo betejë që bëjmë për drejtësi, liri dhe dinjitet, kemi në zemër sakrificën e tyre", shkroi Basha.
Foto nga protesta, 2 prill 1991
Drejtuesi politik i Koalicionit Euroatlantik, Lulzim Basha, ka përkujtuar katër të rinjtë e rënë në Shkodër më 2 prill 1991, Arben Brocin, Bujar Bishanakun, Nazmi Kryeziun dhe Besnik Cekën, që u vranë nga regjimi komunist që u përpoq të shtyp thirrjet për liri.
Në një postim në rrjetet sociale, ai thekson se ato të shtëna nuk ishin vetëm krim, por përpëlitjet e fundit të një regjimi në agoni. Basha më tej shkruan se 2 prilli është një kujtesë e përhershme për forcën e qëndresës dhe guximit që çuan në fitimin e lirisë dhe demokracisë.
Ai shpreh lavdi për martirët dhe nderim për Shkodrën që nuk u përkul.
Postimi i plotë i Bashës:
Sot përkujtojmë me nderim dhe dhimbje katër të rinjtë e rënë në Shkodër më 2 prill 1991, Arben Brocin, Bujar Bishanakun, Nazmi Kryeziun dhe Besnik Cekën, që u vranë nga regjimi komunist, sepse guxuan t’i thonë diktaturës se koha e saj kishte marrë fund.
Ato të shtëna nuk ishin thjesht krim, ishin përpëlitjet e fundit të një regjimi në agoni përballë një populli që kishte zgjedhur lirinë dhe Perëndimin.
Shkodra atë ditë nuk u gjunjëzua, Shqipëria atë ditë u ngrit!
2 Prilli nuk është vetëm një plagë e padrejtësisë, por edhe një kujtesë e përhershme se liria dhe demokracia nuk falen, ato fitohen me qëndresë dhe guxim.
Sot, kjo përpjekje vazhdon. Dhe në çdo hap që hedhim për ndryshim, në çdo betejë që bëjmë për drejtësi, liri dhe dinjitet, kemi në zemër sakrificën e tyre.
Lavdi përjetë martirëve të 2 Prillit!
Nderim Shkodrës që nuk u përkul kurrë!
Komente
Dëshmorët e Shkodrës më 2 prill 1991 o vrau SALIU ME ARMËT E UDB,PËR TË MARR PUSHTETIN GJAK,SIÇ KA BËRË NË 34 VIE. E meqënse nuk u DËNUA NGA DREJTËSIA QË KAPI ME KURSIN 6 MUJOR,VAZHDOI TË VRASI NË GËRDEC 21 JANAR,TROPOJË,VLORË..MBI 20.000 NË GJITHË SHQIPËRINË PA U NDËSHKUAR.
PërgjigjuA ta si vran per 21 janar, vran edhe keta te shkodres
Përgjigju