TIRANË- Mesnatën e kësaj të shtune, në orën 00:12 minuta të 11 janarit, një emigrant në Gjermani u bë i pari që aplikoi në KQZ për të votuar nga jashtë vendit.
"Ata kanë mundësi të kërkojnë ndihmë në kohë reale, me një chatbot, ose duke telefonuar me pagesë KQZ-në, ose përmes një mesazhi në Ëhatsapp, ose duke na dërguar një email", tha Celibashi.
Deri në orën 17:30 kanë aplikuar 1405 persona, 111 kërkesa janë pranuar, ndërsa 33 janë refuzuar, 5 prej të cilave ishin me dokumenta të skaduara. Pjesa tjetër janë në shqyrtim. Në aplikime dominonin 80% burra dhe moshat kryesisht të reja. Vetëm 80 persona ishin mbi 56 vjeç.
Diaspora e Italisë është në krye të listës së aplikimeve në këtë ditë të parë, e ndjekur nga Gjermania, Anglia, Greqia dhe Amerika. Ata janë votues kryesisht në qarqet Tiranë, Durrës, Fier e Vlorë.
Një staf i KQZ-së, punon me 3 turne për tu përgjigjur kërkesave, duke i informuar për kalimin me sukses, apo refuzimin.
"Deri në 4 mars ata mund të riaplikojnë sa herë të duan. Nëse kërkesa u refuzohet për çfarë do lloj arsye, mund ta riparaqesë kërkesën sa herë të dëshirojë deri më 4 mars", vijoi Celibashi.
Zgjedhësit duhet ta bëjnë vetë aplikimin, pasi sistemi kërkon shfaqjen e fytyrës drejtpërdrejtë, e cila krahasohet me foton e dokumentit të identifikimit.
Në këtë fazë, diasporës ju pranohet çdo dokument shqiptar identifikimi, edhe nëse ai ka skaduar, por më e rëndësishmja, ju kërkohet një dokument që vërteton banimin në atë adresë ku kërkon t’i shkojë fleta e votimit.
Nëse jeni emigrantë dhe dëshironi të regjistroheni për të votuar në zgjedhjet parlamentare 2025, klikoni KËTU.
Të dhënat nga KQZ për regjistrimin e emigrantëve
Kryekomisioneri Ilirjan Celibashi ka dhënë detaje nga nisja e procesit të regjistrimit të diasporës për të votuar në zgjedhjet parlamentare 2025. Në një konferencë për mediat, Celibashi shpjegoi me detaje se si do të funksionojë regjistrimi, i cili është i hapur nga sot deri më 4 mars.
“Është në funksion që prej orës 00:00. Mund të regjistrohen përmes platformës PER, duke aksesuar nga faqja e KQZ ose aplikacioni KQZ. Kur shkon të rubrika votues nga jashtë, aty do tu shfaqen tre butona, një fton për tu futur në PER, tjetri ka të dhënat për regjistrimin dhe butoni 3 nëse ka nevojë për më shumë sqarime. Mandej duke u futur në PER, votuesi nga jashtë mund të realizojë procesin e aplikimit, ka një buton ndihmë që pa filluar procesin të kërkojë asistencë ose duke pyetur përmes një sistemi chatbot, mund të telefonojë një operator të KQZ, telefonata është me pagesë, munda të komunikojë përmes WhatsApp dhe mund ti dërgojë email KQZ. I gjithë ky proces sikurse realizohet nga faqja e KQZ, mund të realizohet edhe përmes aplikacionit të KQZ”, tha Celibashi.
Për votuesit nga jashtë të cilëve mund t’u refuzohet kërkesa për t’u regjistruar pasi nuk kanë plotësuar kriteret, Celibashi thekson se nuk do ketë penalizime, por ata do mund të ripalikojnë sa herë të duan deri në datën e afatit të fundit, 4 marsi.
Deri në 4 mars ata mund të riaplikojnë sa herë të duan. Nëse kërkesa u refuzohet për çfarë do lloj arsye, mund ta riparaqesë kërkesën sa herë të dëshirojë deri më 4 mars.
“Deri më datë 4 mars çdo gjë është e mundur. Pas datës 4 mars, nëse një prej zgjedhësve gjendet në listën nga jashtë, dhe nuk do të votojë nga aty, ka një mënyrë për ta adresuar, do i kërkohet Gjendjes Civile ku ka bashkinë për t’iu përfshirë në listën e zgjedhësve brenda vendit.
“Nëse është me vendqëndrim, jashtë territorit të Shqipërisë dhe ngarkon një dokument që e lidhet me adresën që ai ka deklaruar do të regjistrohet, nëse nuk përmbush kushtet nuk regjistrohet. Kushti që lidhet me pranimin ose jo të kërkesës ka të bëjë më ngarkimin e një dokumenti që lidhet me adresën që ai deklaron në sistem. Për ligjin mjafton që të konsiderohet votues nga jashtë”, vijoi Celibashi.
Celibashi garanton se kanë marrë masat që s’do kenë asnjë problem me aplikacionin PER, ku regjistrohen votuesit nga jashtë.
“I kemi marrë masat, në vlerësim tonë s’do ketë asnjë problem dhe jemi të organizuar nga pikëpamje teknike dhe njerëzore për të përballuar të gjitha flukset e mundshme. Fakti që kërkesat kanë ardhur nga kontinente të ndryshme, do të thotë që sistemi i përgjigjet mirë çdo lloj kërkese pavarësisht se ku është aplikanti. Kjo është provë që sistemi që kemi ndërtuar është solid nga pikëpamje teknike dh e sigurisë. Jemi në bashkëpunim 24/7 me institucione të tjera shqiptare për t’iu përgjigjur çdo lloj risku të mundshëm”, tha Celibashi.
Ata që kanë probleme me regjistrimin, mund të kërkojnë ndihmë nga KQZ përmes telefonatës, por është me pagesë, ose komunikim në WhtasApp, email ose në dispozicion të tyre është vendosur një chatbot që u përgjigjet për të gjitha pikëpyetjet që kanë.
“Thuajse 99% prej tyre ka qenë komunikim me Whatsap, ndërkohë mund të përdorin shumë mirë edhe chatbot, kemi përfshirë të gjitha pikëpyetjet që mund ë ketë votuesit nga jashtë, jemi duke ngarkuar edhe tutoriali përkatës për secilin nga tre mënyrat e aplikimit në PER”, vijoi Celibashi.
Për gazetaren e Report Tv, Esiona Konomi, Celibashi sqaron se në rastet kur mund të përballen me dokumentet në gjuhë si arabe, kineze, rusishte etj, do të kërkojnë ndihmën e përkthyesve.
“Për çdo dokument që do të ngarkohet dhe s’kemi mundësi që ta lexojmë se është një ndër gjuhet e rralla, jo një nga gjuhët me të cilën ne jemi familjar, do të ftojmë një përkthyes të asaj gjuhe për të na shpjeguar përmbajtjen e atij dokumenti”, vijoi Celibashi.
Në çelje të procesit të regjistrimit të emigrantëve që duan të votojnë për zgjedhjet e 11 majit, edhe kryeparlamentarja Elisa Spiropali i bëri thirrje diasporës të regjistrohet.
Ajo tha se Shqipëria ka nevojë jo vetëm për të ardhurat që vijnë nga emigrantët, por edhe për votën e tyre.
‘Tashmë kemi një arritje të rëndësishme dhe jemi përpara një sfide të madhe. Kuvendi i Shqipërisë, me ndryshimin e legjislacionit zgjedhor, i hapi rrugë mundësisë që pjestarët e Diasporës të votojnë nga vendet pritëse. Në këtë mënyrë, kontributi ekonomik, social, vleror dhe njerëzor i Diasporës në zhvillimin e Shqipërisë do të plotësohet nga pjesëmarrja politike. Me mundësinë për të votuar në zgjedhjen për Kuvendin e Shqipërisë nga vendet ku jetojnë, emigrantët shqiptarë kanë më shumë hapësira për të marrë pjesë drejtpërsëdrejti në qeverisjen e vendit.
Në 11 janar fillon procesi i regjistrimit të votuesve nga Diaspora për zgjedhjet e 11 Majit, i cili vazhdon deri në 4 mars. Motra e vëllezër emigrantë, regjistrohuni për të votuar, në mënyrë që të ushtroni të drejtën dhe ndikimin tuaj në vendimmarrjet për punët tona të përbashkëta, që Shqipëria jonë të afrohet sa më shpejt me standardet e vendeve perëndimore ku jetoni. Shqipëria ka nevojë jo vetëm për dërgesat tuaja, por edhe për votën tuaj’, tha ajo.
Komente
Për të kryer rregjistrimin duhet shkarkuar edhe aplikacioni Folio Wallet, i cili shërben si autentikues për të finalizuar rregjistrimin dhe për të ruajtur të dhënat, dokumentet e ngarkuara etj. Nëse nuk shkarkohet aplikacioni, mund të përballesh me probleme ose "error" të ndryshëm si server, token etj...
PërgjigjuO celibash spo puno sistemi se lat nam
Përgjigju