Për shkak të punimeve që po kryhen në Unazën e Re, mbrëmjen e sotme do të ketë devijim të trafikut. Autoriteti Rrugor Shqiptar ka vendosur të devijojë qarkullimin tek Unaza e Re për shkak të punimeve në rrugën kryesore krahu i djathtë.
ARRSH-ja njofton se aty ku ndahen sot rrymat e trafikut për Unazë të Re dhe Yzberisht automjetet që kanë për distancon zonën e pallateve do të devijojnë djathtas në rrugën paralele, me të cilën janë lidhur të gjitha rrugicat ekzistuese (Rruga Mikel Maruli,Rruga Aleskandri i Madh dhe Bulevardi Migjeni).
Për këtë, thuhet në njoftim, është vendosur sinjalistika, megjithatë, pritet që kjo të sjellë kaos në ditët e para.
“Ditën e martë, datë 19.10.2021, në darkë do të bëhet devijimi i trafikut në zonën e Unazës së Re, në sajë të vazhdimit të ecurisë së punimeve në rrugën kryesore krahu i djathtë. Aty ku ndahen sot rrymat e trafikut për Unazë të Re dhe Yzberisht automjetet që kanë për destiancion zonën e pallateve do të devijojnë djathtas në rrugën paralele, me të cilën janë lidhur të gjitha rrugicat ekzistuese (Rruga Mikel Maruli,Rruga Aleskandri i Madh dhe Bulevardi Migjeni). Është bërë vendosja e sinjalistikës përkatëse dhe në këtë aks është i ndaluar parkimi i automjeteve”, thuhet në njoftim.
Komente
