Ashtu siç edhe u paralajmërua nga kryeministri Ed Rama, sot nisin aplikimet për skemën kombëtare në bujqësi. Ministri i Bujqësisë, Bledi Çuçi publikoi hapat që duhen ndjekur, ndërsa i bëri thirrje fermerëve se "kush aplikon i pari, përfiton i pari".
Në Facebook, Çuçi bëri të ditur se aplikimi bëhet online, nëpërmjet portalit e-Albania dhe do të zgjasin deri ne 19 qershor.
4 hapa të thjeshtë për të aplikuar online për fondet e skemës kombëtare
1-Regjistrohu në e-Albania, si qytetar, me të dhënat e kartës tuaj të identitetit.
2- Zgjidh shërbimin “Aplikim për Skemën Kombëtare të mbështetjes për fermerët’’
3- Zgjidh llojin e fermerit, vendndodhjen e fermës, masën si dhe sasinë për të cilën do të aplikoni.
4-Kliko dërgo.
"Kush aplikon i pari, përfiton i pari", shkruan Çuçi në Facebook.
