NYON, Zvicër - Mesditën e kësaj të premteje në Nyon të Zvicrës u hodh shorti për çerekfinalet dhe raundin play-off në Ligën e Kombeve. Kosova do kërkojë të ngjitet në Ligën B dhe përballë do ketë Islandën në marsin e 2025.
Në fazën çerekfinale goglat projektuan duele interesante për trofeun. Holanda luan kundër Spanjës, ndërsa Kroacia kundër Francës. Danimarka përballet me Portugalinë, ndërsa sfida më e fortë është ajo mes Italisë dhe Gjermanisë.
Ndërkohë që është mësuar edhe rendi për në gjysmëfinale. Fituesi i çiftit Itali - Gjermani do përballet me fituesin e Danimarkë - Portugali. Nga ana tjetër, fituesi i çiftit Holandë - Spanjë do përballet me fituesin e Kroaci - Francë.
Ndërkohë që u mësuan edhe çiftet në Ligat B, C dhe D, që do kërkojnë të ngjiten një Ligë më sipër apo të qëndrojnë në ato aktuale. Kosova e Franco Fodas do kërkojë ngjitjen në Ligën B kundër Islandës.
Çerekfinalet e Ligës së Kombeve do të luhen më 20 deri 23 mars 2025, ndërsa gjysmëfinalet dhe finalet në qershor 2025. Edhe faza play-off do luhet gjatë së njëjtës javë në marsin e 2025.
Kujtojmë se Spanja është mbajtëse në fuqi e këtij trofeu. Për t'u theksuar se kombëtarja e Shqipërisë doli e fundit në Grupin B1 të Ligës së Kombeve dhe u rrëzua në Ligën C, duke mos qenë pjesë e fazës play-off.
Shorti:
Faza çerekfinale:
Çerekfinale 1 Holandë - Spanjë
Çerekfinale 2 Kroaci - Francë
Çerekfinale 3 Danimarkë - Portugali
Çerekfinale 4 Itali - Gjermani
Faza gjysmëfinale:
Ndeshja 1 Fituesi i çerekfinales 4 kundër fituesit të çerekfinales 3
Ndeshja 2 Fituesi i çerekfinales 1 kundër fituesit të çerekfinales 2
Liga A dhe B
Play-off 1 Turqi - Hungari
Play-off 2 Ukrainë - Belgjikë
Play-off 3 Austri - Serbi
Play-off 4 Greqi - Skoci
Liga B dhe C
Play-off 1 Kosovë - Islandë
Play-off 2 Bullgari - Republika e Irlandës
Play-off 3 Armeni - Gjeorgji
Play-off 4 Sllovkia - Slloveni
Liga C dhe D
Play-off 1 Gjibraltar - Letoni
Play-off 2 Malta - Luksemburg
Kur do të zhvillohen ndeshjet?
Çerekfinalet e Ligës së Kombeve do të luhen më 20 deri 23 mars 2025, ndërsa gjysmëfinalet dhe finalet në qershor 2025.
Play-off e promovimit/zbritjes do të zhvillohen gjatë të njëjtës javë në mars.
