Këtë të mërkurë (5 shkurt) zhvillohen tre nga katër takimet e para të fazës çerekfinale në Kupën e Shqipërisë.
Në orën 13:30 do të zhvillohen dy ndeshje, Bylis - Egnatia dhe Laçi - Partizani. Po sot, në orën 17:00 do të luhet takimi AF Elbasani - Vllaznia. Të enjten është programuar vetëm një takim, Dinamo - Skënderbeu, i cili do të luhet në orën 17:00.
Në prag të ndeshjes AF Elbasani - Vllaznia, trajneri i shkodranëve Thomas Brdaric vlerëson rivalët, por kërkon kalimin më tej.
“Elbasani ka investuar shumë këtë sezon dhe kanë pritshmëri të mëdha. Por nesër (sot) është një kapitull ku objektivi është të kalojmë në turin tjetër. Duam të jemi një skuadër më e mirë. Ndaj tyre kemi luajtur mirë, por është një garë tjetër dhe rregullat ndryshojnë. Në këtë mënyrë duhet të jemi në maksimumin tonë”, tha Thomas Brdariç para medieve.
Ndeshjet çerekfinale të Kupës, sfidat e para:
Kupa e Shqipërisë:
Bylis – Egnatia 05.02.2025 13:30
Laçi – Partizani 05.02.2025 13:30
AF Elbasani – Vllaznia 05.02.2025 17:00
Dinamo – Skënderbeu 06.02.2025 17:00
Komente
