Sot në një operacion të përbashkët të Policisë së Shtetit me DEA-n amerikane të koduar "Sintetiku" është bërë i mundur arrestimi i dy amerikanëve që kishin ngritur në Tiranë një bazë ku do të përpunonin drogë sintetike. Por çfarë është droga sintetike?
Drogat sintetike janë një sërë substancash psikoaktive të sintetizuara kimikisht. Këto droga mund të krijohen lehtësisht në laborator duke u nisur nga metanfetamina dhe substanca të tjera.
Gjatë viteve të fundit i është kushtuar shumë vëmendje varësisë nga drogat sintetike duke qenë se përdorimi i tyre është përhapur me një shpejtësi marramendëse te të rinjtë.
Këto substanca, njësoj si kokaina, ushtrojnë një efekt stimulant në sistemin nervor qendror. Efektet e tyre kryesore janë përmirësimi i gjendjes shpirtërore, zvogëlim të ndjesisë së lodhjes dhe i oreksit.
Por në momentin që përfundojnë efektet fillestare stimulante, dalin në pah depresioni, lodhja, ankthi dhe depresioni. Drogat sintetike mund të çojnë drejt vdekjes.
