Ambasadori i SHBA-ve në Kosovë, Philip Kosnett është shprehur në një moment kur pritet të votohet për transformimin e FSK-së në Ushtri se, siguria e një vendi varet edhe nga cilësia e marrëdhënieve paqësore e të dobishme me fqinjët e saj.
“Derisa Kuvendi vepron sot, le të kujtojmë se siguria e një vendi varet nga cilësia e marrëdhënieve të saj të sigurisë dhe marrëdhëniet paqësore, reciprokisht të dobishme me fqinjët e saj, po aq sa edhe forca dhe profesionalizmi i forcave të saj të armatosura”, ka shkruar Kosnett në rrjeti social “Twitter”.
Ndërsa të enjten, Kosnett shkroi po në të njëjtin rrjetin social se “Shtetet e Bashkuara do të mbështesin zhvillimin profesional dhe ndryshimin organizativ të Forcës së Sigurisë, e cila duhet të luajë rol pozitiv për Kosovën dhe rajonin, duke pasqyruar karakterin shumetnik të vendit dhe përkushtimin e qytetarëve të Kosovës për paqe. Seanca plenare, Parlamenti dhe ceremonia për Forcën e Sigurisë duhet të jenë rast për reflektim dhe ripërkushtim ndaj paqes, qëndrueshmërisë e përparimit për Kosovën dhe fqinjët e saj. Tash është koha për të gjithë udhëheqësit dhe palët që të përqendrojnë energjitë e tyre në bisedime”. (Lexo këtu)
Kuvendi i Kosovës pritet të mbajë sot në orën 10:00 seancën plenare ku do të votohen tri projektligjet për transformimin e Forcës së Sigurisë së Kosovës në Ushtri, Projektligji për Ministrinë e Mbrojtjes, Projektligji për Forcën e Sigurisë së Kosovës si dhe Projektligji për shërbim në Forcën e Sigurisë së Kosovës.
Komente
URIME KOSOVE USHTRIA:-URIME AMBASADOR I -SHBA-USHTRIJA e kosoves ME E RE NE BOTE.
Përgjigju