Në Dobraç e zhvilloi takimin e radhës elektoral, kandidati për deputet i PD qarku Shkodër, Bardh Spahia.
Duke prezantuar programin e kësaj force politike, ai tha se 11 Maji është dita e një misioni kombëtar, që do të sjellë ndryshimin e kësaj situate të rëndë që po kalon vendi prej 12 vitesh. Spahia shprehu bindjen se rezultati i zgjedhjeve do të jetë surprizë e bukur për PD, prandaj ftoj qytetarët të bëhen pjesë e këtij ndryshimi dhe fitores së madhe.
"Një pushtet që më shumë se kudo tjetër e ka treguar në Shkodër modelin e vet të bazuar mbi korrupsion, krim të organizuar, e mbi shtrëngim të lakut në fyt për qytëetarët e ndershëm dhe punëtorë. Situatë alarmante që nuk kërkon thjesht më denoncim, por reagim dhe këtë e kemi për të reaguar me 11 Maj nëpërmjet votës tonë.
Është mision kombëtar me i dhënë përgjigje qeverisë së papërgjegjshme nëpërmjet votës, një qeverie që ministrat një herë në muaj në burg, por që kryeministrit nuk i shkon ndrmend me reaguar apo me dhënë dorëheqjen. Jam i bindur se do të ketë surprizë pozitive për PD, e shoh në çdo reagim qytetar në çdo kontakt me qytëtarët frymën e domosdoshmërisë për ndryshim. Në 11 Maj, jam i bindur se fitorja do të jetë e PD", u shpreh Spahia.
Më herët përmes një video-mesazhi, ai i përcolli një mesazh të veçantë diasporës, e cila ka nisur tashmë votimet. Në takime kandidati Spahia shoqërohet nga drejtuesi politik Luçiano Boçi, si dhe kandidatët për deputet.
Komente
