Kampi opozitar po përjeton një krizë të thellë politike që pas humbjes historike të zgjedhjeve parlamentare të 11 majit, ku mazhoranca gati sa nuk ka siguruar shumicën e cilësuar.
Në vorbullën e tensioneve të brendshme, ish-nënkryetari i Partisë Demokratike, Edmond Spaho, ka vijuar me kritikat e tij ndaj drejtimit aktual të PD-së. Pas lënies jashtë listës së sigurt nga kreu i selisë blu Sali Berisha, në zgjedhjet e 11 majit, Spaho po e shpreh hapur pakënaqësinë në rrjetet sociale.
Në reagimin e tij të fundit, në profilin personal në rrjetin social Facebook, ai theksoi se opozita duhet të jetë e pranishme në Parlament dhe të shkëputet nga “mentaliteti primitiv i bojkotit dhe përballjes fizike me mazhorancën”.
Sipas Spahos, “opozita duhet të ofrojë alternativa për problemet e shoqërisë, duke u kthyer në një forcë reale konkurruese”.
Ai nënvizoi se ndryshimi i lidershipit është kusht i domosdoshëm për të garantuar një qasje të re politike.
Reagimi i Edmond Spahos në Facebook:
“Opozita duhet të jetë në Parlament. Ajo duhet të shkëputet nga mentaliteti primitiv politik i bojkotit dhe përballjes fizike me maxhorancën në Parlament.
Ajo duhet të jetë alternative zgjidhjesh për problemet me të cilat përballet shoqëria jonë.
Ndryshimi i lidershipit për të garantuar ndryshimin në qasjen politike është imperativ”.
Komente
Po ik o Spaho... po ik o tu mbylltë... me shume vlera dhe nder ka Ilir Karagjozi i Korçës sesa ti ... pale dhe profesor ti...
PërgjigjuTani flet plehra per ndryshim lidershipi.E la Berisha jashte listes se mbyllur dhe ju hap goja.
PërgjigjuDhe ndryshimin do ta bej ky qe u shqye duke i rënë bilbilave të Berishës aq sa i ranë të fikët...
Përgjigju