Pas lajmit se SPAK çoi për gjykim Fredi Belerin, Ministri i Jashtëm grek Girogos Gerapetritis ka zhvilluar një bisedë telefonike me homologen Olta Xhaçka.
Sipas asaj që raporton media greke, Protothema ministri i jashtëm grek ka thënë se Belerit po i hiqet e drejta e tij politike. Gjatë bisedës ku u prek edhe çështja “Beleri” , Ministrja Xhaçka rikonfirmoi qëndrimin e qeverisë shqiptare se për këtë çështje duhet të flasin organet e drejtësisë.
“Njoftimi i sotëm i Prokurorisë së Posaçme Shqiptare kundër Korrupsionit në lidhje me aktakuzën e kryetarit të zgjedhur të Himarës, Fredi Beleri dhe një prej bashkëpunëtorëve të tij në një gjyq nga Gjykata e Shkallës së Parë për Korrupsionin dhe Krimin e Organizuar në thelb parandalon rezultatin e procesit. Duke shkelur të drejtën e gjykimit të drejtë dhe prezumimin e pafajësisë që Shqipëria, si vend kandidat për anëtarësim në Bashkimin Evropian, duhet të respektojë rreptësisht”- thuhet në një prej reagimeve.
Pala greke pretendon se këto çështje Ministri i Jashtëm grek i ngriti në bisedën e tij telefonike me Xhaçkën.
"Në të njëjtën kohë, autoritetet shqiptare vijojnë t'i heqin z. Belerit të drejtën politike për të bërë betim dhe për të ushtruar detyrat që i ngarkohen nga qytetarët e Himarës. Ministri i Punëve të Jashtme, Giorgos Gerapetritis, i ngriti të gjitha këto çështje me homologen e tij shqiptare në bisedën e tyre të sotme telefonike ”, theksoi pala greke.
Prokuroria e Posaçme Kundër Krimit dhe Korrupsionit ka mbyllur hetimet dhe ka dërguar për gjykim Fredi Belerin dhe bashkëpunëtorin e tij Pandeli Kokaveshin, të cilët u kapën duke blerë vota në Himarë për zgjedhjet e 14 majit 2023. Do të jetë në dorë të gjykatës, e cila përmes një seance paraprake do të vendosë nisjen e gjykimit, rikthimin e çështjes për plotësim në prokurori apo pushimin e saj përfundimtar. Në kërkesën e SPAK thuhet se Beleri dhe Kokaveshi ofronin 50 euro për votë, ndërsa ata u arrestuan duke i dhënë paratë Arsen Ramës.
Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit. Edhe pse i arrestuar, ai mundi të fitojë zgjedhjet kundër kandidatit tjetër të së majtës, Jorgo Goro. Por, Beleri nuk ka mundur të marrë detyrën, pasi autoritetet nuk i dhanë leje për të kryer betimin për marrjen e detyrës. Arrestimi i tij ka tensionuar jo pak retorikën e fqinjëve grek, të cilët kanë kërkuar lirimin e tij të menjëhershëm, madje çështjen e kanë ngritur si problematike deri në Bruksel. Në fund të gjykimit, Fredi Beleri rrezikon të dënohet nga 1 deri në 5 vite burg.
Komente
Edhe sikur të dojë Rama, nuk të lë Erdogani o grek i Yunanistanit. Ik grisni e shikoni ishujt në Egje
PërgjigjuCila e drejte politike po i hiqet,ate qe e bleu 50 euro/vota?!
PërgjigjuPo keta xaxiqit kane hallin e pd apo alfredos!?
PërgjigjuKeto pajdhaqet greke akoma nuk e kane kuptuar qe nuk jemi me ne 90. Pridhni pirdhni se jeni tu u liru ortaj...
Përgjigju