Prokuroria e Posaçme kërkoi zgjatje të hetimeve me tre muaj për grupin e Laert Haxhiut, për të plotësuar hetimet. Por kjo kërkesë u pranua pjesërisht nga GJKKO.
Trupa gjykuese i dha kohë vetëm 45 ditë prokurorit Behar Dibra për të përfunduar plotësisht hetimet dhe ta dërgojë çështjen në gjyq.
Në këtë dosje, janë marrë të pandehur Erisiano Abedini, Bujar Abedini, Lulzim Spahija, Ligor Romaçka, Idriz Manej, Maringlen Topuzi, Bledar Berberi, Enriko Xhahysa dhe Fatjon Veliu.
Arrestimi i Artan Tafanit, pas një grabitje në një pikë të këmbimit valutor në zonën e Astirit në Tiranë, coi në goditjen e grupit të Laert Haxhiut.
Tafani u bë i penduar i drejtësisë dhe rrëfeu disa ngjarje kriminale që kanë tronditur vendin përgjatë viteve 2021-2023, duke nisur nga vrasjet, atentatet e deri te vjedhjet me dhunë.
Banda kriminale u godit në fund të muajit shtator të vitit 2023, pas një operacioni të gjërë policor që u shtri në të gjithë vendin.
Komente
publikoni nje numer llogarie bankare te bejme donacion 2.000 lek te blej policia nje meter muri se lane nam hahaha
Përgjigju