Kolegji i Posaçëm i Apelimit ka pezulluar nga detyra gjyqtarin Luan Daci. Ditën e djeshme Luan Daci në cilësinë e të pandehurit është paraqitur në SPAK për akuzën e falsifikimit të dokumenteve, i shoqëruar dhe nga 2 avokatët e tij Andi Duraj e Jordan Daci.
Sipas SPAK, gjyqtari Luan Daci ka falsifikuar dokumentacionin në momentin që aplikoi për t'u bërë pjesë e trupës së KPA-së. Në dokumentacionin e paraqitur në atë kohë nga gjyqtari i KPA ai fshehu faktin se kur ishte gjyqtar në gjykatën e Tiranës në 1997, KLD-ja me propozim të ministrit të Drejtësisë e shkarkoi nga detyra për shkelje të ligjit dhe paaftësi.
Daci u pezullua në 20 maj të këtij viti dhe u mor në hetim nga Struktura e Posaçme e Anti-Korrupsion por Apeli e rrëzoi vendimin duke e rikthyer në detyrën gjyqtarin vetëm 2 javë më pas.Por tashmë ai është marrë zyrtarisht i pandehur dhe bazuar te ligji në fuqi pezullohet automatikisht çdo prokuror apo gjyqtar që merret i pandehur deri në përfundim të gjyqit.
Njoftimi:
Pas vënies në dijeni nga vetë gjyqtar Luan Daci, për marrjen e tij në cilësinë e të pandehurit nga Prokuroria e Posaçme kundër Korrupsionit dhe Krimit të Organizuar, në Kolegjin e Posaçëm të Apelimit u zhvillua sot Mbledhja e Gjyqtarëve, e cila, me vendimin nr. 14, datë 24.07.2020, në zbatim të nenit C, pika 3 e Aneksit të Kushtetutës, të nenit 128, pika 3, germa “b”, të nenit 179, pika 7, si dhe të nenit 179/b, pikat 5 dhe 6 të Kushtetutës së Republikës së Shqipërisë, vendosi:
1. Pezullimin nga detyra të gjyqtarit të Kolegjit të Posaçëm të Apelimit, z. Luan Daci.
2.Kolegji i Posaçëm i Apelimit, në funksion të ushtrimit të veprimtarisë normale të tij, duke respektuar pavarësine dhe paanësinë e organeve proceduese, si dhe parimin e prezumimit të pafajësisë për gjyqtarin Luan Daci, u kërkon organeve proceduese të vijojnë me një proces të shpejtë, në përputhje me parashikimet e ligjit.
Ky vendim hyn në fuqi menjëherë.
Komente
Hajt ta marrsha mar luan a i qethe delet apo po kullot dhite
PërgjigjuTani do kalojne te gjithe te korruptuarit
PërgjigjuPo ky plakushi genjeshtar pse nuk iken dhe ti hapi rrugen te rinjve hajde zhduku
PërgjigjuKy plakushi ka me shume vite pervoje se Gjin Gjoni, ka mbaru Juridik jo 6mujor si Gjoni, edhe ka vetem nje pallat krejt ndryshe nga Gjoni. Tani beji llogarite vete
Qeka dhe shum i shemtut ky daci nuk ngjall fare simpati
PërgjigjuO qofte, po si ka mundesi te jesh kaq idiot...?
Përgjigju