Ka zgjatur vetëm tre vite liria të cilën Indrit Taullai, ish anëtari i bandës së Durrësit e fitoi me kusht me motivin se gjendja shëndetësore në qeli i rrezikonte jetën.
Ai la burgun në vitin 2017 pasi ishte dënuar me 25 vite burg. Por mesditën e 6 dhjetorit ai u arrestua nga policia e Kosovës.
Report Tv mëson se arrestimi i Taullait është bërë për llogari të një mandati ndërkombëtar lëshuar nga prokuroria e posaçme kundër krimit e korrupsionit në Tiranë, ndërsa pritet që SPAK e policia të japin arsyet e këtij arresti.
Ai po mbahet në paraburgim në Prizren pas arrestimit në një qendër tregtare, aty ku mbërriti 24 orë para prangosjes.
Më 5 dhjetor ai mësohet se ka lënë Shqipërinë dhe ka kaluar legalisht kufirin drejt Kosovës për t’u kapur të shtunën më 6 dhjetor nga njësia Fast e policisë së Kosovës.
Indrit Taullai
