Spanja ka parakaluar Italinë në klasifikimin e UEFA-s sa i takon kampionateve më të mira në Evropë. Të paktën për momentin Spanja do dërgonte pesë skuadra në Champions League sezonin e ri, ndërsa Italia katër.
Ky klasifikim është i rëndësishëm pasi në bazë të paraqitjeve të skuadrave në Evropë rritet ose ulet koeficienti i kampionateve respektive, çka sjell edhe përcaktimin e numrit të skuadrave në Champions League.
Dy kampionatet e renditura të parat dërgojnë nga pesë skuadra, teksa bie në sy se Anglia është në krye dhe e shkëputur me diferencë.
Për Italinë e cila ishte në pozitën e dytë para ndeshjeve të fundit evropiane, humbja e Milanit dhe Atalantës, si edhe barazimi i Romës kanë ndikuar në këtë renditje. Gjithçka mund të ndryshojë në bazë të paraqitjeve në ndeshjet e ardhshme, por fakt është se Spanja dhe Italia do garojnë "kokë më kokë" për të fituar një skuadër më shumë në Champions edicionin që vjen.
3. Spanja 18.036
3. Itali 17.687
4. Gjermania 15.421
5. Portugalia 15.350
6. Franca 14.214
7. Belgjika 13.550
8. Holanda 13.220
Komente
