Ekspertët e motit në Spanjë flasin për një kthim drastik të motit, nga 47 gradë që temperaturat kanë shkuar në Katalonjë, brenda pak ditësh, do të zbresin në shumë gradë. Dhe kjo sipas tyre nuk është aspak positive pasi do të ketë ndikim shumë të keq në shëndetin e banorëve.
“Të gjithë jemi duke u mbytur, pasi nuk marrim dot frymë”, tha prezantuesja e njohur Silvia Intxaurrondo para kamerave të kanalit televiziv shtetëror spanjoll, RTVE
Kulmi i valës së tretë të të nxehtit të verës në Spanjë i bëri vendasit dhe turistët ”të shkriheshin”, shkruan media vendase.
Nuk ishte Madridi apo rajoni i Andaluzisë, i cili njihet për nxehtësinë e padurueshme të verës, ai që u godit më keq, por, destinacioni i njohur turistik i Majorkas, me shërbimin kombëtar të motit AEMET që njoftoi temperaturat maksimale të paktën 43 gradë Celsius për veriun dhe lindjen e ishullit mesdhetar spanjoll.
Gazeta dixhitale ”OK Diario” kishte titullin “Spanja shkrihet këtë javë”.
“Jam mësuar me vapën, por kjo është shumë e vështirë. Këtu nuk fryn erë”, thotë një turiste në Madrit.
Në plazhin e famshëm Playa de Palma në jug të ishullit, temperaturat prej 38 gradësh u matën në hije.
